हामी सबैकाे संसारन्यूज

२५ जेठ काठमाडौं । सुनको सूनको भाउ तोलाको ८७ हजार ४ सय पुगेको छ । नेपाल सुन चाँदि व्यवसायी माहासंघले गत जेठ १० गते सार्वजनिक गरेको मूल्य प्रति तोला ७४ हजार रहेको थियो भने त्यसको १५ दिन पछि आईतबारको मूल्य १० हजार ४ सय बढेर ८७ हजार ४ सय कायम भएको छ । त्यस्तै चांदिको मूल्य पनि प्रति तोला २०५ रुपैयाँ बढेको छ । यस अघि जेठ १० मा चादिको मूल्य प्रति तोला ७२० रहेकोमा आईतबार यसको मूल्य बढेर ९२५ पुगेको छ ।

माहासंघले आईतबारबाट आंशिक कारोबार सुरु गर्नलाग्दा सुनको मूल्यमा यतिको मूल्य बृद्धि भएको हो । यस अघि शनिबार नै एक विज्ञप्ति प्रकाशित गरि माहासंघले आईतबारबाट कारोबार सुरु गर्ने जनाएको थियो । कोरोना भाईरसको माहामारीको कारण सरकारले गरेको बन्दाबन्दीको कारण गत चैत्र ११ गतेदेखि नै व्यवसायीले कारोबार बन्द गरेका थिए । करोबार बन्द भए पनि सुन चादिको मूल्य भने निरन्तर उकालो लागिरहेको थियो ।

जानकारहरुका अनुसार अहिले बिश्व बजारमा तेलको कारोबारमा उच्च गिरावट आएको तथा सेयर कारोबार पनि त्यति राम्रो नभएका कारण लगानीकर्ताहरुले सुनमा लगानी गरिरहेका छन । पूर्तीको तुलनामा माग बढी भएपछि अहिले सुनको मूल्यमाबृद्धि भएको हो । उनीहरुका अनुसार सुनमा लगानी तुलनात्मकरुपमा सुरक्षित मानिन्छ ।