हामी सबैकाे संसारन्यूज

२८ जेठ, काठमाण्डौं । नेपाली राजदूतावास ओमानले कोभिड १९ को संक्रमणका कारण असहज भएका कारण स्वदेश फर्कनु पर्ने नेपालीहरुको लागि एक सूचना जारी गरेको छ ।

जुन ९, २०२० मंगलबार नेपाली राजदूतावास ओमानले जारी गरको सूचना अनुसार स्वदेश फर्कनु पर्ने नेपालीहरुले तोकिएको मापदण्ड अनुरुप प्राथमिकताका आधारमा ७ दिन भित्रको कोरोना टेस्टको रिपोर्ट सहित नाम टिपाउन भनेको हो ।
ओमानबाट नेपाल फर्कने नेपालीहरुको पहिलो उडान जुन १५, २०२० मा हुनेछ । स्वदेश फर्कनको लागि भाडा प्रतिव्यक्ति ११५ ओमानी रियल तोकिएको कुरा पनि सूचनामा जनाइएको छ । संबन्धित सबैले कोभिड १९ को पिसीआर टेष्टको रिपोर्ट अनुसार फ्लाइट हुने भएकोले सो रिपोर्ट तयार गरन समेत दूतावासले अनुरोध गरेको छ ।

नेगेटिभ रिपोर्ट आउनेहरुले सलाम एयरको कस्टमर सर्भिस सेन्टरको नम्बर २४२७२२२२ मा सम्पर्क गरि जानकारी लिएर टिकेट खरिद गर्नुपर्नेछ । त्यसैगरी थप जानकारी लिनुपरेमा भने ७१५९२४९० या ७१५९२५०६ अथवा ७१५३०८४० मा सम्पर्क गर्नको लागि भनिएको छ ।