हामी सबैकाे संसारन्यूज

२९ जेठ, काठमाडौँ । गृह मन्त्रालयले सार्वजनिक स्थलमा भेला भएर आन्दोलन तथा विरोधका कार्यक्रमहरु नगर्न चेतावनी दिएको छ ।

विगत केही दिनदेखि सरकारविरुद्ध प्रदर्शनका नाममा भिडभाड बढ्न थालेपछि थालेपछि आफ्नो ध्यानाकर्षण भएको जनाउदै कारबाही गर्ने चेतावनी दिएको हो ।

देशमा लकडाउन कायम रहेको अवस्थामा विगत केही दिनदेखि विभिन्न बहानामा र माग राखेर जुलुस, प्रदर्शन, धर्ना गर्ने, धेरै व्यक्तिहरुलाई सहभागी बनाउने, ज्ञापनपत्र दिने जाने आदि जस्ता नाममा अनावश्यक भिडभाड गरी बन्दाबन्दीको आदेशको अवहेलना भएको भन्दै गृहले प्रेस विज्ञप्ति जारी यस्तो निर्देशन दिएको हो ।

जुलुस प्रदर्शनको बहानामा सरकारी आदेशको अवज्ञा गरे बन्दाबन्दीको आदेशको अवहेलना गर्ने वा काममा बाधा पु¥याउने व्यक्तिलाई संक्रामक रोग ऐन, २०२० को तर्फ ३ को सजाय अन्तर्गत कार्वाही गरिने बताइएको छ ।

यो बन्दाबन्दीको आदेशविपरीत यस्ता कार्यक्रमहरुमा सहभागी भए १०० देखि ६०० रुपैयाँसम्म र एक महिनादेखि ६ महिनासम्म थुनामा राख्न सक्ने गृह मन्त्रालयले स्मरण गराएको छ ।