हामी सबैकाे संसारन्यूज

२ असार, काठमाण्डौं । हाँसी खुसी विवाहको मण्डपबाट विदा भएकी एक दुलहीले दुलाहाको घर नपुग्दै बाटोमै आत्महत्या गरेकी छन् ।

यो घटना हो भारतको । आइतबार बाबुआमाको घरबाट हाँसीखुसी विदा भएर दुलाहाको घर हिँडेकी एक दुलहीले नदीमा हाम फालेर आफ्नो इहलिला समाप्त पारेकी छन् ।

आइतबार गाडीमा चढेर दुलाहाको घर हिँडेकी अन्जु नामकी एक युवतीले नदीमा हाम फालेकी थिइन् । उनको शब सोमबार मात्र ५० फिट गहिराईमा फेला परेको थियो । युवतीका माइती तथा घरतिरका मान्छेहरुका अनुसार उनी माइतबाट बिदा हुँदा अत्यन्तै खुसी थिइन् । तर, उनले किन आत्महत्या गरिन् भन्ने कुरा पत्ता लाग्न सकेको छैन ।

प्रहरीका अनुसार अल्लापुर गाउँ निवासी रामप्रसाद सैनिकी छोरीको शनिबार विवाह भएको थियो । मध्यप्रदेशको श्योपुर जिल्लाबाट जन्ति आएका थिए । आइतबार बिहान माइतबाट बिदा भएर हिँडेकी उनले बाटोमा आफूलाइ वमिट आएकोले गाडि रोक्न ड्राइभरसँग अनुरोध गरेकी थिइन् । ड्राइभरले गाडीकै झ्यालबाट बमिट गर्न भनेपनि उनले गाडी रोक्न भनेपछि राजस्थान र मध्यप्रदेशको सीमामा रहेको एक पुलमा उनीहरु चढेको बोलेरो गाडि रोकिएको थियो ।

दुलाहा र गाडीमा बसेकाहरुले केही बुझ्नु भन्दा पहिले उनले गाडीबाट झरेर रेलिङबाट नदीमा हाम फालेकी थिइन् । प्रत्यक्षदर्शीका अनुसार नदीमा हाम फालेपछि केही समय उनी छटपटाएकी थिइन् । तर गाडीमा रहेकाहरु कसैलाई पनि पौडि खेल्न नआएकोले उनलाई बचाउने कोशिष कसैले गरेन ।

रेस्कु टिम एसडीआरएफको टिमले ती युवतीलाई आइतबार मृत अवस्थामा फेला पारेको थियो । उनको शब दुलहीको पहिरनमै रहेको अवस्थामा निकालिएको थियो । ऐजेन्सी