हामी सबैकाे संसारन्यूज

५ असार, काठमाडौं । सरकारले झापाका खगेन्द्र प्रसाद अधिकारीलाई सिटिईभिटीको उपाध्यक्षमा नियुक्त गरेको छ । मंगलबार बसेको मन्त्रीपरिषद् बैठकले उनलाई सो पदमा नियुक्त गरेको हो । उनी काठमाडौंमा रहेको अक्सिडेन्टल स्कुलका संचालक समेत हुन । मंगलबार बसेको मन्त्रीपरिषद बैठकको निर्णय सार्बजनिक गर्दै सरकारका प्रबक्ता समेत रहेका अर्थ, संचार, सूचना तथा प्रबिधि मन्त्री डा.यूवराज खतिवडाले सो जानकारी दिएका हुन ।

त्यस्तै सरकारले नेपाल प्रशासनिक प्रशिक्षण प्रतिष्ठानको कार्यकारी निर्देशकमा पूर्व अर्थ सचिव डा. राजन खनाललाई नियुक्त गरेको छ । खनाल काभ्रेको नमोवुद्ध नगरपालिकाका हुन ।

वौद्ध दर्शन प्रवद्र्धन तथा गुम्बा विकास समितिको अध्यक्षमा फुपु छेम्बे शेर्पा (खेन्पो गेशे थुप्तेन जिक्डोल) नियुक्त भएका छन भने कार्यकारी निर्देशकमा होमबहादुर दोङ नियुक्त भएका छन । शेर्पा ताप्लेजुङको फुङ्लिङ निवासि हुन भने दोङ नुवाकोटको दुप्चेश्वरका बासिन्दा हुन ।