हामी सबैकाे संसारन्यूज

काठमाडौं । कोरोना महामारीले निम्त्याएको संकटकै बीच सुनको मुल्यमा भने नयाँ किर्तिमानी बनेको छ । व्यापार व्यवसाय चौपट बनिरहेका बेला व्यावसायीले सुनमा लगानी गर्दा मुल्यमा नयाँ किर्तिमानी बनेको हो ।

सुनको मुल्य आइतबार अहिलेसम्मकै सबैभन्दा बढि तोलामा ९० हजार ६ सय पुगेको छ । नेपाल सुनचाँदी व्यावसायी महासंघले जनाएअनुसार शुक्रबारको तुलनामा सुनमा ७ सय रुपैयाँले बढेको हो ।

महासंघले जनाएअनुसार आइतबार छापावाला सुनको मुल्य प्रतितोला ९० हजार ६ सय रुपैयाँ पुगेको छ भने तेजाबी सुनको मुल्य प्रतितोला ९० हजार ३ सय रुपैयाँ पुगेको छ ।

गत शुक्रबार छापावाला सुन प्रतितोला ८९ हजार ९०० रुपैयाँ र तेजाबी सुन प्रतितोला ८९ हजार ६०० रुपैयाँमा कारोबार भएको थियो ।
त्यस्तै, आइतबार चाँदीको भाउ पनि तोलामा १० रुपैयाँले बढेर प्रतितोला ९४० रुपैयाँ पुगेको छ । शुक्रबार चाँदी प्रतितोला ९३० रूपैयाँमा कारोबार भएको थियो ।