Sansar News
काठमाडौं । लकडाउन खुलेसँगै भारतमा कोरोना भाइरसको महामारीले आक्रामक रुप लिएको छ । भारतीय सञ्चारमाध्यमले जनाएअनुसार पछिल्लो १० दिनमा मात्रै १ लाखभन्दा बढि नयाँ संक्रमित थपिएका छन् ।
जनाइएअनुसार ३ हजारभन्दा बढि संक्रमितको मृत्यु कोरोनाकै कारण भएको छ ।
तथ्यांकअनुसार पछिल्लो १० दिनमा दैनिक १० हजारभन्दा बढिको दरले नयाँ संक्रमित भेटिएका छन् । सार्वजनिक तथ्यांकअनुसार दैनिक ३ सयभन्दा बढिको मृत्यु कोरोनाकै कारणले भएको छ ।
गत शुक्रबार अर्थात् १९ जुनमा भारतमा सबैभन्दा बढि संक्रमित भेटिएका थिए । भारतीय सञ्चारमाध्यमले उल्लेख गरेअनुसार शुक्रबार मात्रै भारतमा १४ हजार ७२१ जना नयाँ संक्रमित भेटिएका थिए । जुन तथ्यांक चीन, रुस र इटलीको भन्दा बढि हो ।
वि.सं.२०७७ असार ७ आइतवार १६:०४ मा प्रकाशित
