Sansar News
९ असार, काठमाडौं । कालापानी, लिपुलेक र लिम्पियाधुरा सहितको नक्सा संसदको दुवै सदनबाट पास भएर राजपत्रमा प्रकासित भएको पनि एक हप्ता पुग्नै लागेको छ । नक्सा फेरिए पनि सरकारका आधिकारीक वेवसाईटहरुमा नेपालको पुरानै निशान छाप प्रयोग भैरहेको छ ।
जेठ ३१ गते प्रतिनिधि सभाको २ तिहाई भन्दा बढी मतले र असार ४ गते राष्ट्रिय सभाबाट सर्बसम्मत पास भएको सो निशान छाप असार ५ गते नै राष्ट्रपतिबाट प्रमाणीत भै राजपत्रमा समेत प्रकसित भैसक्दा समेत कतिपय सरकारी निकयहरुले अझै प्रयोग गरेका छैनन ।
यसरी निशान छाप प्रयोग नगर्नेमा नेपाल सरकारको आधिकारीक वेव साईट र स्वयं प्रधानमन्त्री कार्यालय नै रहेको छ । सरकारको अधिकारीक वेव साईट नेपाल डट जिओ भि डट एन पी र प्रधानमन्त्री तथा मन्त्रीपरिषदको कार्यालयको वेव साईट ओपिएम सिएम डट जिओभि डट एन पी ले सो निशान छापको अहिलेसम्म प्रयोग नगरेको पाईएको हो ।
राष्ट्रिय सहमती कायम गरेर संबिधान संसोधन गर्दै परिवर्तन गरेको निशान छाप नै आफ्ना वेवसाईटहरुमा नराख्ने सरकारले आम जनताको काम कसरी गर्छ भनेर पत्याउने कि नपत्याउने प्रस्न उब्जिएको छ ।
वि.सं.२०७७ असार ९ मंगलवार १८:२४ मा प्रकाशित
