हामी सबैकाे संसारन्यूज

९ असार, काठमाण्डौं । नेपालमा मंगलबार (९ असार ) सम्म र्यापिड र पिसीआर प्रविधि दुवैबाट ४ लाख ५७ हजार ९५१ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा दुवै प्रविधिबाट ७ हजार ५७६ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

त्यसैगरी आजसम्म पिसीआर प्रविधिबाट १ लाख ८६ हजार ३६७ र आरडिटी प्रविधिबाट २ लाख ७१ हजार ५८४ वटा नमुना परीक्षण गरिएको हो । जसमा पछिल्लो २४ घण्टामा ४९९५ वटा पिसीआर र ३,४८१ वटा र्यापिड परीक्षण गरिएको छ ।

मन्त्रालयका अनुसार हालसम्म देशका विभिन्न अस्पताल र आइसोलेसन सेन्टरमा ७,८५१ जनाको उपचार भइरहेको छ भने रेडजोनमा रहनेको संख्या हालसम्म ५०८ पुगेको छ । साथै आज काठमाण्डौं र ललितपुरका २ जना रेडजोनामा थपिएका छन् ।

त्यसैगरी हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ८५ हजार ८१३ रहेको छ ।

हालसम्म नेपालमा संक्रमितको संख्या १०,०९९ पुगेको छ भने आज निको भएर ७६ जना डिस्चार्ज भएसँगै नेपालमा हालसम्म २,२२४ जना कोरोना संक्रमणबाट मुक्त भएका छन् । साथै आज एकजनाको संक्रमणबाट मृत्यु भएको पुष्टि भएसँगै नेपालमा कोरोना संक्रमणबाट मृत्यु हुनेको संख्या २४ रहेको छ ।

आज ५३८ जनामा कोरोना संक्रमण भएको पुष्टि, संक्रमितको संख्या १० हजार नाघ्यो
नेपालमा आज ५३८ जना कोरोना संक्रमणका नयाँ विरामी भेटिएका छन् । स्वास्थ्य मन्त्रालयका अनुसार आज थपिएका ५३८ जनासँगै नेपालमा कोरोना संक्रमतिको संख्या १० हजार ९९ पुगेको छ ।

आज सबैभन्दा बढी प्युठानमा ५० जना, पाल्पामा ४८ जना, धनुषामा ३९ जना, कैलालीमा ३८ जना, गोर्खामा २९ जना, सुर्खेतमा २३ जना, स्याङजामा २२ जना, पर्वतमा २२ जना, नवलपरासीपूर्वमा २२ जना र बाजुरामा २० जना रहेका छन् ।

वीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा झापाका १ पुरुष, सप्तरीका २ पुरुष, सुनसरीका २ महिला र १ पुरुष, कोशी अस्पताल विराटनगरमा गरिएको परीक्षणमा मोरङका १ पुरुष, तेह्रथुमका २ पुरुष, झापाका ८ महिला र १ पुरुष गरी ९ जनामा संक्रमण पुष्टि भएको छ ।

प्रादेशिक जनस्वास्थ्य प्रयोगशाला विराटनगरमा गरिएको परीक्षणमा संक्रमण पुष्टि भएकामा झापाका २ , मोरङका  १ पुरुष, गजेन्द्र नारायण सिंह अस्पताल राजविराजको प्रयोगशालामा गरिएको परीक्षणमा सप्तरीका १ महिला र १६ पुरुष गरी १७ जना, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा संक्रमण पुष्टि भएकामा महोत्तरीका १२ पुरुष, सप्तरीका ३ पुरुष रहेका छन् ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा अछामका २ महिला, अर्घाखाँचीका २ पुरुष, बाग्लुङका १ महिला र ५ पुरुष गरी ६ जना, बझाङका ३ महिला र १६ पुरुष गरी १९ जना, बाजुराका ११ महिला र ९ पुरुष गरी २० जना, डडेल्धुराका १ पुरुष, धादिङका १ महिला र १७ पुरुष गरी १८ जना, गोर्खाका ६ महिला र ७ पुरुष गरी १३ जना, गुल्मीका १ महिला र २ पुरुष गरी ३ जना, कैलालीका १ महिला र १५ पुरुष गरी १६ जना, कन्चनपुरका २ महिला र ७ पुरुष गरी ९ जना, कास्कीका ३ महिला र ४ पुरुष गरी ७ जना, नवलपरासीपूर्वका २ महिला र १९ पुरुष गरी २१ जना, पर्वतका ४ महिला र १७ पुरुष गरी २१ जना, प्युठानका ५ पुरुष, रौतहटका १ महिला र १२ पुरुष गरी १३ जना, रुपन्देहीका १, सर्लाहीका २ पुरुष, सिराहाका १ महिला र ६ पुरुष गरी ७ जना र स्याङजाका २ महिला र ७ पुरुष गरी ९ जना, तनहुँका १ पुरुष रहेका छन् ।

किटजन्य रोग अनुसन्धान प्रयोगशाला मकवानपुरमा गरिएको परीक्षणमा धनुषाका ३९ पुरुष, पोखरा स्वास्थ्य विज्ञान प्रतिष्ठानमा गरिएको परीक्षणमा गोर्खाका २ महिला र ३ पुरुष गरी ५ जना, स्याङजाका १ महिला र ५ पुरुष गरी ६ जना, बाग्लुङका ८ पुरुष, गोर्खाका २ महिला र ९ पुरुष गरी ११ जना, कास्कीका १ पुरुष, लम्जुङका १ महिला र ४ पुरुष गरी ५ जना, नवलपरासीपूर्वका १ पुरुष, तनहुँका ७ पुरुष, स्याङजाका १ महिला र ६ पुरुष गरी ७ र पर्वतका १ पुरुषमा संक्रमण पुष्टि भएको छ ।

प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा गुल्मीका २ पुरुष, पाल्पाका ४ महिला र ४४ पुरुष गरी ४८ जना, रुपन्देहीका २ पुरुष, प्युठानका १ महिला र ४४ पुरुष गरी ४५ जना, राप्ती स्वास्थ्य विज्ञान प्रतिष्ठान दाङमा गरिएको परीक्षणमा दाङका १९ जना पुरुषमा संक्रमण पुष्टि भएको छ ।

प्रादेशिक अस्पताल सुर्खेतको प्रयोगशालामा गरिएको परीक्षणमा सल्यानका ४ पुरुष, सुर्खेतका ८ महिला र १५ पुरुष गरी २३ जना, दैलेखका १ महिला र २ पुरुष र हुम्लाका १ महिला, कर्णाली स्वास्थ्य विज्ञान प्रतिष्ठान जुम्लामा कालिकोटका १ पुरुष, दैलेखका १ महिला र १८ पुरुष गरी १९ जना, सेति प्रादेशिक अस्पताल कैलालीमा गरिएको परीक्षणमा अछामका २ महिला र ३ पुरुष, बझाङका २ महिला र १ पुरुष गरी ३ जना, डडेल्धुराका १ महिला र २ पुरुष गरी ३ जना, कैलालीका ६ महिला र १६ पुरुष गरी २२ जना र कन्चनपुरका ३ महिला र ५ पुरुष गरी ८ जनामा संक्रमण पुष्टि भएको छ ।

आज ९० महिला र ४४८ पुरुष गरी जम्मा ५३८ जनामा संक्रमण पुष्टि भएको छ । हालसम्म नेपालमा १०,०९९ कोरोना संक्रमति भेटिएका छन् ।
आज ७६ जना डिस्चार्ज, कोरोनाबाट निको हुनेको संख्या २२२४ पुग्यो
नेपालमा आज कोरोना संक्रमणबाट निको भएर ७६ जना डिस्चार्ज भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट मुक्त हुनेमा गोठगाउँ आइसोलेशन सेन्टर झापाबाट १ पुरुष, कोशी अस्पतालबाट झापाका १ महिला र ३ पुरुष गरी ४ जना, वीपी कोइराला स्वास्थ्य विज्ञान प्रतिष्ठान धरानबाट झापाका १ पुरुष, उदयपुरका १ महिला र ३ पुरुष गरी ४ जना, मोरङका १४ पुरुष र रामेछाप अस्पतालबाट १३ पुरुष कोरोना संक्रमणबाट निको भएर घर फर्किएका छन् ।

त्यसैगरी साइकृष्ण आइसोलेशन सेन्टर सप्तरीबाट सप्तरीका २ महिला र ३ पुरुष, गण्डकी अस्पतालबाट पर्साका २ महिला र ९ पुरुष, कोभिड १९ कमाण्ड अस्पताल बलम्बुबाट नवलपरासीका १ महिला, बेनी अस्पताल म्याग्दीबाट म्याग्दीका २ पुरुष, धौलागिरी अस्पताल बाग्लुङबाट बाग्लुङका ३ पुरुष र स्याङजा अस्पतालबाट ३ पुरुष उपचारपछि डिस्चार्ज भएका छन् ।

त्यसैगरी गोर्खा अस्पतालबाट ७ पुरुष, जिपी कोइराला शुक्ला गण्डकी तनहुँबाट २ पुरुष, ह्याम्स अस्पतालबाट कास्कीका १ पुरुष, कालिका अस्पताल भिर्कोटबाट स्याङजाका १ पुरुष, पाटन अस्पतालबाट लम्जुङका १ पुरष, पोखरा स्वास्थ्य विज्ञान प्रतिष्ठान पोखराबाट स्याङजाका १ महिला र कास्कीका ३ पुरुष पनि कोरोना संक्रमणबाट मुक्त भएर घर फर्र्किएका छन् ।

आज डिस्चार्ज भएका ८ महिला र ६८ पुरुष गरी जम्मा ७६ जना रहेका छन् । हालसम्म कोरोना संक्रमणबाट निको भएर अस्पतालबाट डिस्चार्ज हुनेको संख्या २,२२४ रहेको छ । जसमा १९८ जना महिला र २०३५ जना पुरुष रहेको छन् ।

आज १ जनाको मृत्यु भएको पुष्टि, मृतकको संख्या २४ पुग्यो
नेपालमा कोरोना संक्रमणबाट १ जनाको मृत्यु भएको पुष्टि भएसँगै नेपालमा कोरोना संक्रमणबाट मृत्यु हुनेको संख्या २४ पुगेको छ ।
आज मृत्यु भएको पुष्टि भएकामा कर्णाली प्रदेशको दैलेखको दुल्लु नगरपालिका वडा नं ३ का ४५ वर्षीय पुरुषको असार ८ गते बेलुका साढे नौ बजे मृत्यु भएको हो ।

दम तथा क्षयरोगका विरामी उनको सुर्खेत अस्पतालको आइसोलेशनमा उपचारका क्रममा सोमबार मृत्यु भएको स्वास्थ्य मन्त्रालयले जानकारी दिएको छ ।

उनलाई दुल्लु अस्पताल दैलेखबाट असार ३ गते प्रादेशिक अस्पताल सुर्खेतमा थप उपचारका लागि रिफर गरिएको थियो । उनको असार ३ गते स्वावको नमुना संकलन गरेर परीक्षण गर्दा असार ४ गते कोरोना संक्रमण पुष्टि भएको थियो ।

सोमबार मृत्यु भएका उनीसँगै नेपालमा कोरोना संक्रमणबाट मृत्युहुनेको संख्या २४ पुगेको छ । जसमा २ महिला, १ बालिका र २१ जना पुरुष रहेका छन् । साथै क्वारेन्टिनमा रहेकै बेला र क्वारेन्टिनबाट घर फर्केपछि आत्महत्या गरेका १ पुरुष र महिलामा पनि कोरोना संक्रमण पुष्टि भएको थियो ।

नेपालमा असार ८ सम्मको कोरोना अपडेटः ९,५६१ संक्रमित, २३ को मृत्यु र निको हुनेको संख्या २,१४८ पुग्यो