हामी सबैकाे संसारन्यूज

९ असार, काठमाण्डौं । गृहमन्त्रालयले उपत्यका बाहिरबाट आउनेलाई १४ दिन होम क्वारेन्टिनमा राख्न भन्दै उपत्यकाका तीनै जिल्लाका प्रमुख जिल्ला अधिकारीलाई पत्र पठाएको छ ।

पछिल्लो समय उपत्यकाबाट काठमाण्डौं भित्रिएका र पिसीआर जाँचको रिर्पोट नभई घर\डेरामा बस्नेहरुलाइ घरमा प्रवेश गर्न रोक लगाउने गरेको गुनासोसहित दैनिक हजार भन्दा बढी मानिसहरु पिसीआर टेष्टका लागि अस्पताल पुगेको भन्दै गृहले त्यस्ता व्यक्तिलाई होम क्वारेन्टिनमै बस्न आग्रह गर्न भन्दै उक्त पत्र काटेको हो ।

‘धेरै सेवाग्राहिहरु पिसीआर परीक्षणका लागि शुक्रराज ट्रपिकल तथा सरुवा रोग अस्पताल, टेकुमा आउने गरेको स्वास्थ्य तथा जनसंख्या मन्त्रालयबा जारी गरिएको ‘नेशनल टेस्टिङ गाइडेन्स फर कोभिड-१९’ बमोजिम उपत्यका बाहिरबाट काठमाण्डौं भित्रने मानिहरु अनिवार्यरुपमा १४ दिन होम क्वारेन्टिनमा बस्ने र लक्षण देखा परेमात्र अस्पताल जान व्यवस्थाको परिपालना गराउन र अनावस्यक पिसीआर जाँचका लागि चिकित्सक र स्वास्थ्यकर्मीलाई दवाव नदिने व्यवस्था मिलाइदिन आवस्यक सहयोगका लागि स्वास्थ्य तथा जनसंख्या मन्त्रालय (स्वास्थ्य आपतकालिन् केन्द्र) को च.नं १४३७ मिति २०७७\०३\०८ गतेको पत्रबाट लेखि आएकोले सो सम्बन्धमा नियमानुसार आवस्यक कारबाही हुन आदेशनुसार अनुरोध छ ।’ गृहमन्त्रालयद्धारा तीनै जिल्लाका प्रमुख जिल्ला अधिकारीलाई पठाएको पत्रमा भनिएको छ ।