Sansar News
१३ असार, काठमाण्डौं । विश्वव्यापी कोरोना भाइरस (कोभिड-१९) बाट प्रभावित तथा तत्कालै नेपाल फर्किनु पर्ने अफ्रिकाका नेपाली बोकेर जुलाई ३ मा इथोपियाबाट चार्टड् फ्लाइट हुँदैछ ।
अफ्रिकाबाट नेपाल फर्कने नेपाली बोकेर यहि जुलाई ३ का दिन बिहान १ बजे इथोपियाको अदिस अबाबाबाट कतार एयरवेजको क्युआर १४२८ चार्टड उडान हुन लागेको गैरआवासीय नेपाली अभियन्ता तथा एनआरएनएका पुर्व केन्द्रीय कोषाध्यक्ष हिक्मत थापाले संसारन्युजलाई जानकारी दिएका छन् ।
उक्त विमानबाट नेपाल फर्कन चाहाने इथोपियामा रहेका तथा अन्य देशबाट २ जुलाईसम्म अद्दिस एयरर्पोटसम्म पुग्न सक्ने नेपाली दाजुभाइ तथा दिदी बहिनीले इजिप्टस्थित नेपाली दूतावासमा सम्पर्क गर्न समेत अनुरोध गरिएको छ ।
त्यसैगरी दोश्रो चरणमा नाइजेरिया, केन्या, युगान्डा, कङ्गो र दक्षीण अफ्रिकामा रहेका नेपालीको उद्धारका लागि पहल भइरहेको समेत राजदूत अर्यालले जानकारी दिएका छन् ।
थापाले अफ्रिकाबाट थप उद्दार फ्लाइटका लागि नेपाल सरकारसँग थप पहल र समन्वय गरिदिन एनआरएनए अध्यक्ष लगायत सबैमा समेत अनुरोध गरेको छ ।
कोभिड १९ का कारण अफ्रिकामा रोकिएका तथा तत्काल नेपाल जानुपर्ने अवस्थामा रहेका नेपालीको उद्धार व्यवस्थापनका लागि सहयोग पुर्याउने नेपाली दूतावास इजिप्टका राजदूत झविन्द्र अर्याल र नेपाल सरकारलाई अफ्रिकाका नेपालीहरुले हार्दिक आधार व्यक्त गरेका छन् ।
वि.सं.२०७७ असार १३ शनिवार १५:२४ मा प्रकाशित
