Sansar News
१४ असार, काठमाडौँ । त्रिभुवन अन्तर्राष्ट्रिय विमानस्थलबाट आज ३ वटा अन्तर्राष्ट्रिय उडान र २ वटा आन्तरिक उडान भएको जानकारी दिएको छ ।
विमानस्थलले जानकारी दिए अनुसार नेपाली एयरलायन्सका दुईवटा उडान भएका छन्, त्यसमध्ये एउटा दोहाका लागि उडेको छ भने अर्को मलेसियाको कोलालम्पुरका लागि उडेको छ । अर्को हिमालय एयरलाईन्सको एउटा उडानले पनि मलेसियाको कोलालम्पुरका लागि उडेको छ ।
त्यस्तै मनाङ र श्री एयरले क्रमशः लुक्ला र मुगुका लागि उडेको छ ।
भोलि सोमबार १० वटा अन्तर्राष्ट्रिय उडान हुने पनि विमानस्थलले जानकारी दिएको छ । जसअनुसार कतारको दोहाका लागि दुई, मलेसियाको क्वालाम्पुरका लागि ३ वटा, कतारको दमाम र दोहाका लागि दुई वटा उड्ने छन् । त्यस्तै कुवेतका लागि दुईवटा र दुबईका लागि एउटा उडान हुने बताइएको छ ।
वि.सं.२०७७ असार १४ आइतवार १८:०२ मा प्रकाशित
