हामी सबैकाे संसारन्यूज

१४ असार, काठमाण्डौं । नेपालमा कोरोना संक्रमणबाट निको हुनेको संख्या दिनप्रतिदिन बढिरहेको छ । स्वास्थ्य मन्त्रालयका अनुसार आज पनि १७९ जना निको घर घर फर्किएका हुन् । उनीहरुमा १६६ पुरुष र १३ जना महिला रहेका छन् ।

मन्त्रालयका अनुसार पछिल्लो २४ घण्टामा कोरोना संक्रमणबाट निको हुनेमा रौतहटबाट ४६ पुरुष, कोभिड १९ अस्पताल सपही धनुषाबाट ११ पुरुष, नारायणी अस्पताल पर्साबाट ५ महिला र २३ पुरुष गरेर २८ जना, जलेश्वर अस्पताल महोत्तरीबाट ३ पुरुष कोरोना संक्रमणबाट निको भएर घर फर्किएका हुन् ।

त्यसैगरी साइकृष्ण आइसोलेशन सप्तरीबाट १ महिला र १५ पुरुष गरी १६ जना, कोरोना विशेष अस्पताल दाङबाट ६ महिला र ३३ पुरुष गरी ३९ जना, सिराहा अस्पतालबाट ६ पुरुष, महेन्द्र मण्डल अस्पताल सिराहाबाट १ महिला र १२ पुरुष गरी १३ जना, कलैया अस्पताल बाराबाट १७ पुरुष गरी जम्मा १७९ जना कोरोना संक्रमणबाट निको भएर घर फर्किएका छन् । उनीहरुमा १३ महिला र १६६ पुरुष रहेका छन् ।

आज निको भएका १७९ जनासँगै नेपालमा हालसम्म कोरोना संक्रमणबाट निको हुनेको संख्या ३,०१३ पुगेको छ । जसमा २५५ महिला र २,७५८ पुरुष रहेका छन् ।

बढ्दै छ कोरोना संक्रमणबाट निको हुनेको संख्या, आज पनि १३६ जना डिस्चार्ज भए