Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

झम्सीखेल भेलाको निष्कर्ष : ओलीले प्रधानमन्त्री र पार्टी अध्यक्ष दुबै पदबाट राजीनामा दिनुपर्छ



काठमाडौं । सत्तारुढ नेकपाका ३० स्थायी समिति सदस्यको भेलाले प्रधानमन्त्री एंव पार्टी अध्यक्ष केपि शर्मा ओलीको राजीनामा माग्ने निर्णय गरेको छ । ललितपुरको झम्सीखेलस्थीत एक रेष्टुरेण्टमा भएको भेलाले ओलीले प्रधानमन्त्री र पार्टी अध्यक्ष दुवै पदबाट राजीनामा दिनुपर्ने निष्कर्ष निकालेको हो ।

साँझ ५ बजेदेखि ३ घण्टासम्म चलेको भेलामा पार्टीका कार्यकारी अध्यक्ष पुष्पकमल दाहाल ‘प्रचण्ड’, वरिष्ठ नेताद्वय झलनाथ खनाल र माधवकुमार नेपाल, नेताहरु बामदेव गौतम, नारायणकाजी श्रेष्ठ, रामबहादुर थापा ‘बादल’सहित ३० स्थायी समिति सदस्यको सहभागिता थियो । नेकपामा स्थायी समितिको संख्या ४५ रहेको छ ।

भेलामा सहभागि एक नेताका अनुसार भेलामा पर्यटनमन्त्री योगेश भट्टराई बाहेकका सरकारमा सहभागी प्रचण्ड र नेपाल निकटका सबै मन्त्रीहरु सहभागि भएका थिए । उनका अनुसार मन्त्री भट्टराई आकस्मिक अन्य कार्यक्रमका कारण सहभागि भएनन् ।

भेलामा प्रधानमन्त्री ओलीले राजीनामाको निर्देशन दिँदा अपनाउन सक्ने सम्भावित कदमहरु बारे पनि छलफल भएको थियो । भेलाले ओलीसँग पार्टीको निर्णय मान्नुको विकल्प नरहेको ठहरसमेत गरेको छ ।

यी हुन् भेलामा सहभागी स्थायी समिति सदस्यहरु

पुष्पकमल दाहाल प्रचण्ड, माधवकुमार नेपाल, झलनाथ खनाल, बामदेव गौतम, रामबहादुर थापा बादल, नारायणकाजी श्रेष्ठ, युवराज ज्ञवाली, लीलामणि पोखरेल, रघुजी पन्त, देवेन्द्र पौडेल, मणि थापा, गणेश साह, चक्रपाणि खनाल, सुरेन्द्र पाण्डे, गोकर्ण विष्ट, मात्रिका यादव, मुकुन्द न्यौपाने, देव गुरुङ, वर्षमान पुन, भीम रावल, शक्ति बस्नेत, जनार्दन शर्मा, टोपबहादुर रायमाझी, भीम आचार्य, वेदुराम भुसाल, हरिबोल गजुरेल, अष्टलक्ष्मी शाक्य, पम्फा भुसाल, गिरिराजमणि पोखरेल र घनश्याम भुसाल ।


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा