हामी सबैकाे संसारन्यूज

काठमाडौं । सत्तारुढ नेकपाका प्रवक्ता नारायणकाजी श्रेष्ठले पार्टीभित्रको अन्तरसंघर्ष व्यक्ति केन्द्रित हुनु दुःखद भएको बताएका छन् । नेकपाभित्र विवाद बढ्दै जाँदा नेताका पक्षमा समर्थन तथा विरोध हुन थालेपछि श्रेष्ठले यस्तो धारणा सार्वजनिक गरेका हुन् ।

उनले पार्टीभित्रको अन्तरसंघर्ष व्यक्ति केन्द्रित स्वार्थभन्दा बाहिर पार्टी, देश र जनताको हितमा हुनुपर्ने टिप्पणी गरेका छन् । श्रेष्ठले छातीमा हात राखेर नेताहरुलाई आत्मसमिक्षा गर्न पनि आग्रह गरेका छन् ।

पार्टी भित्रको अन्तर्सँघर्ष कुनै ब्यक्ति वा ब्यक्तिहरुको स्वार्थ केन्दृत हुनुहुँदैन।त्यसैले एउटा वा अर्को ब्यक्तिको समर्थन वा बिरोधमा होइन,पार्टी एकता,समृध्दि,समाजवाद, देश,जनता र श्रमजिवीबर्ग लाई केन्द्रबिन्दु मा राखेर रुपान्तरणमुखी बहसमा सह्भागी होऔं।छातिमा हात राखौं र सोचौं।

— NKShresthaPrakash (@nksthaprakash) July 3, 2020

‘पार्टी भित्रको अन्तर्सँघर्ष कुनै ब्यक्ति वा ब्यक्तिहरुको स्वार्थ केन्दृत हुनुहुँदैन’ सामाजकि सञ्जाल ट्विटरमा श्रेष्ठले भनेका छन्, ‘त्यसैले एउटा वा अर्को ब्यक्तिको समर्थन वा बिरोधमा होइन, पार्टी एकता,समृध्दि,समाजवाद, देश,जनता र श्रमजिवीबर्ग लाई केन्द्रबिन्दु मा राखेर रुपान्तरणमुखी बहसमा सह्भागी होऔं, छातिमा हात राखौं र सोचौं।’

पछिल्लो समय नेकपाभित्र विवाद बढेसँगै प्रधानमन्त्रीसमेत रहेका केपी शर्मा ओलीको पक्षमा प्रदर्शनहरु भएका छन् । ओलीका समर्थकले प्रधानमन्त्रीबाट हटाउन नेकपाकै नेताहरु लागेको भन्दै विरोध गरिरहेका छन् ।