हामी सबैकाे संसारन्यूज

१९ असार, काठमाडौं । सन्राइज बैंकले सिन्धुपाल्चोकको भुकम्प पिडित माझीहरुलाई एकिकृत बस्ती निर्माण गर्दै आएको श्वेता श्री फाउण्डेशनलाई सहयोग गरेको छ । बैकद्वारा जारी विज्ञप्तिमा जनाए अनुसार बैंकले आफ्नो सामाजिक उत्तरदायित्व अन्तर्गत रु. ५ लाख रुपैंयाँ सो परोपकारी संस्थालाई सहयोग स्वरुप प्रदान गरेको हो ।

शुक्रबार एक कार्यक्रमका बिच बैंकका प्रमुख कार्यकारी अधिकृत जनक शर्मा पौड्यालले फाउंडेशनलाई चेक हस्तान्तरण गर्दै उसले गरेको कामको प्रशंसा गरे । सो अवसरमा पौडेलले बैंकले आफ्नो सामाजिक उत्तरदायित्व अन्तर्गत विभिन्न क्षेत्रमा सहयोग गर्दै आएको तथा कोभिड १९ को विश्वब्यापी माहामारी जस्तो कठिन घडिमा पनि यस्ता कार्य गर्दै आएको बताए ।

उनले आगामी दिनमा पनि अन्य सामाजिक कार्यहरु गरिरहने बताए । यस्तै नायिका श्वेता खड्काले फाउण्डेशनलाई विश्वास गरेकोमा सन्राइज बैंक प्रति कृतज्ञता जनाईन ।

सो फाउंडेशनले स्वर्गिय नायक श्रीकृष्ण श्रेष्ठको सम्झनामा वि.सं २०७३ फाल्गुन १५ देखि सिन्धुपाल्चोकको माझी बस्तीमा कुल ५३ आधुनिक र सुविधा सम्पन्न घरहरु निमार्ण गर्दै आएको छ ।