Sansar News
२१ असार, काठमाडौं । कोभिड १९ का कारण समस्यामा परेका र फर्कन नपाएर रोकिरहेकाहरु मध्ये अहिलेसम्म विभिन्न देशबाट १८ हजार १९७ जना नेपाली नेपाल फर्किएका छन् ।
कोभिड-१९ संकट व्यवस्थापन संचालन केन्द्रले प्रेस विज्ञप्तीमार्फत दिएको जानकारी अनुसार आषाढ २० गते सम्म २१ देशबाट १८ हजार १९७ जना नेपाल फर्किएका हुन् ।
सेन्टरद्वारा जारी विज्ञप्ती अनुसार शुक्रबारसम्म १७ हजार २११ जना फर्किएकोमा शनिबार ४ देशबाट ९८६ जना फर्किएका छन् ।
शनिबार साउदी अरब ३ उडान, कुवेतबाट २ उडान र मलेसिया तथा कतारको दोहाबाट १ उडान भएका छन् । साउदीबाट ५४७ जना फर्किएका छन् भने कुवेतबाट ३१२ जना फर्किएका छन् । त्यस्तै दोहाबाट १२७ जना फर्किएका छन् तर मलेसियाबाट फर्किनेको संख्याको विवरण प्राप्त नभएको उल्लेख छ ।
विज्ञप्तीमा दिइएको जानकारी अनुसार अहिलेसम्म सबैभन्दा कुवेतबाट फर्किएका छन् । कुवेतबाट फर्किनेको संख्या ३८३९ पुगेको छ, त्यसपछि युएईबाट फर्किनेको संख्या ३१९२ जना र साउदीबाट फर्किनेको संख्या २५४९ रहेका छन् ।
वि.सं.२०७७ असार २१ आइतवार ०७:४२ मा प्रकाशित
