Sansar News
२५ असार, काठमाण्डौं । नेपाल कम्युनिष्ट पार्टी (नेकपा) का सचिवालय सदस्य तथा प्रवक्ता नारायणकाजी श्रेष्ठले फुटाउ र शासन गर भन्ने भारतीय नीति सफल हुने नदिने बताएका छन् ।
पछिल्लोपटक भारतीय संचारमाध्यमले सीमा नाघेर सरकार तथा प्रधानमन्त्री केपी ओलीका बारेमा अनर्गल प्रचार गरेकोप्रति नेता श्रेष्ठले कडा आक्रोश व्यक्त गर्दै यस्तो बकबास बन्द गर्न समेत आग्रह गरेका छन् ।
नेपालको रााष्ट्रीय सार्वभौमिकता र भौगोलिक अखण्डताको रक्षाको निम्ति सबै नेपाली एकढिक्का हुने बताउँदै नेता श्रेष्ठले सामाजिक संजाल ट्विटरमा भनेका छन्, ‘भारतीय सञ्चार माध्यमले हाम्रो सरकार र प्रमका बारेमा गरेको अनर्गल प्रचारले सीमा नाघ्यो । हद भयो । बकवास बन्द गर । हाम्रो राष्ट्रीय सार्वभौमिकता र भौगोलिक अखण्डताको रक्षाको निम्ति हामी एक्ढिक्को छौं । बिदेशीको फुटाउ र स्वार्थ पूरा गर नीति सफल हुन दिनेछैनौ । यहाँ के गर्ने भन्ने हाम्रो कुरा हो ।’
वि.सं.२०७७ असार २५ बिहीवार १३:३८ मा प्रकाशित
