हामी सबैकाे संसारन्यूज

२६ असार, काठमाडौँ । बुधबार देखि देशभर परेको पानीले देशका विभिन्न ठाउँका खोला नदिहरुमा पानीको सतह बढ्नुका साथै बाढी पहिरोका घटना भएका छन् ।

यसैक्रममा कमला नदी तितर्या, धनुषा स्थित जलमापन केन्द्रमा जलसतह सतर्कता तह आसपास पुगेको, थप बढ्दो क्रममा रहेको र सतर्कता तह पार गर्न सक्ने राष्ट्रिय विपद् जोखिम न्यूनिकरण तथा व्यवस्थापन प्राधिकरणले बताएको छ ।

जल तथा मौसम विज्ञान विभाग अन्तर्गतको बाढी पूर्वानुमान महाशाखाले दिउँसो ४.०० बजे एक सूचना सार्वजनिक गर्दै धनुषा, सिराहा लगायतका तल्लो तटीय क्षेत्रमा रहनेहरूलाई बेलुका सम्मै सतर्कता अपनाउन आग्रह गरेको छ ।

#Alert
असार २६, दिउँसो ४ बजे
कमला नदी तितर्या, धनुषा स्थित जलमापन केन्द्रमा जलसतह सतर्कता तह आसपास पुगेको, थप बढ्दो क्रममा रहेको र सतर्कता तह पार गर्न सक्ने भएकोले धनुषा, सिराहा लगायतका तल्लो तटीय क्षेत्रमा रहनुहुनेहरू बेलुका सम्मै सतर्कता अपनाऔ
Mass SMS sent pic.twitter.com/gFf7qxVgp3

— Nepal Flood Alert! नेपाल बाढी सूचना! (@DHM_FloodEWS) July 10, 2020