हामी सबैकाे संसारन्यूज

२७ असार, काठमाण्डौं । नेपालमा कोरोना संक्रमणबाट थप तीनजनाको मृत्यु भएको पृष्टि भएको छ । स्वास्थ्य मन्त्रालयले दिएको जानकारी अनुसार काठमाण्डौंका २ जना र सिन्धुपाल्चोकका १ गरी ३ जना पुरुषको मृत्यु भएको हो ।

जसमा काठमाण्डौं वडा नं १० संखमुलका ६० वर्षीय पुरुषको कोरोना संक्रमणबाट असार २६ गते मृत्यु भएको हो ।

फोक्सोमा पानी जमेको र मिर्गौला रोगका कारणले असार १६ गते पाटन अस्पतालमा भर्ना भई उपचार गराइरहेका उनको असार १७ गते गरिएको कोरोनाको नमुना परीक्षणमा संक्रमण पुष्टि भएको थियो ।

त्यसैगरी सिन्धुपाल्चोक पाँचपोखरी वडा नं ६ का ४५ वर्षीय पुरुषको पनि कोरोना संक्रमणबाट असार २५ गते मृत्यु भएको छ ।

असार १८ गते क्षयरोगको उपचारका लागि पाटन अस्पतालमा भर्ना भएका उनको उपचारका क्रममा गरिएको कोरोना परीक्षणमा असार २२ गते कोरोना पोजेटिभ पुष्टि भएको थियो ।

त्यस्तै काठमाण्डौंको गोकर्णेशवर नगरपालिका वडा नं ४ घर भएका ५४ वर्षीय पुरुषको पनि कोरोना संक्रमणबाटै मृत्यु भएको पुष्टि भएको छ । उनको उपचारका क्रममा असार २५ गते मृत्यु भएको हो । उनी मिगौला रोगको विरामी रहेको पनि स्वास्थ्य मन्त्रालयले जनाएको छ ।

स्वास्थ्यमा समस्या आएपछि काठमाण्डौं मेडिकल कलेजमा भर्ना गरेर उपचार गरिएका उनमा श्वास प्रस्वासमा समस्या देखिएको थियो । असार २१ गते गरिएको श्वाव परीक्षणमा उनमा कोरोना पुष्टि भएको थियो ।

आज पुष्टि भएका ३ जनासँगै नेपालमा कोरोना संक्रमणबाट मृत्यु हुनेको संख्या ३८ पुगेको छ ।

नेपालमा आज कोरोना संक्रमणबाट १ जनाको मृत्यु भएको पुष्टि, मृतकको संख्या ३५ पुग्यो