Sansar News
काठमाडौं । सत्तारुढ नेकपाका प्रवक्ता नारायणकाजी श्रेष्ठले भूराजनीतिक संवेदनशीलता नेपाल सचेत हुनुपर्ने बताएका छन् ।
मंगलबार प्रधानमन्त्री केपी शर्मा ओलीको पछिल्लो विवादास्पद अभिव्यक्तिप्रति संकेत गर्दै उनले भूराजनीतिक संवेदनशीलताप्रति सचेत नभए जोखिम हुने बताए । सामाजिक सञ्जालमार्फत बोल्दै उनले नेपाली सचेत नभए शक्तिराष्ट्रहरुको कृडास्थल बन्ने र राष्ट्रिय सार्वभौमिकता नै खतरा पर्ने पनि बताए ।
‘हाम्रो भुराजनीतिक सँवेदनशीलता प्रति हामी सचेत हुनै पर्छ । स्वतन्त्र परराष्ट्र नीतिमा आधारित कुटनीतिक श्रेष्ठताले मात्र हामीले हाम्रो भुराजनीतिक अवस्थितिको लाभ लिन सक्छौं’, श्रेष्ठले भने, ‘अन्यथा देश बाह्य शक्तिहरुको कृडास्थल बन्ने र राष्ट्रिय सार्वभौमिकता नै खतरामा पर्न सक्ने ठुलो जोखिमको चुनौति छ।’
हाम्रो भुराजनीतिक सँवेदनशीलता प्रति हामी सचेत हुनै पर्छ।स्वतन्त्र परराष्ट्र नीतिमा आधारित कुटनीतिक श्रेष्ठताले मात्र हामीले हाम्रो भुराजनीतिक अवस्थितिको लाभ लिन सक्छौं,अन्यथा देश बाह्य शक्तिहरुको कृडास्थल बन्ने र राष्ट्रिय सार्वभौमिकता नै खतरामा पर्न सक्ने ठुलो जोखिमको चुनौति छ।+
— NKShresthaPrakash (@nksthaprakash) July 14, 2020
भानु जयन्तीका अवसरमा सोमबार बालुवाटारमा आयोजित कार्यक्रममा प्रधानमन्त्री ओलीले अयोध्या नेपालमा रहेको दाबी गरेका थिए । उनले भारतले तथ्यहरुलाई बंग्याउँदै नेपालको संस्कृतिमाथि अतिक्रमण गरेको टिप्पणी गरेका थिए ।
जुन अभिव्यक्तिप्रति नेपाल तथा भारतमा निकै आलोचना भएको छ । सामाजिक सञ्जालमा सक्रिय प्रयोगकर्ताले ओलीको निकै व्यंग्य गरेका छन् ।
वि.सं.२०७७ असार ३० मंगलवार १३:४० मा प्रकाशित
