हामी सबैकाे संसारन्यूज

३० असार, काठमाडौँ । प्रधानमन्त्री केपी शर्मा ओलिले सोमबार दिएको अभिव्यक्तिका सन्दर्भमा परराष्ट्र मन्त्रालयले स्पष्टीकरण दिएको छ ।
मन्त्रालयले मंगलबार विज्ञप्ति जारी गर्दै प्रधानमन्त्रीको अभिव्यक्ति राजनीतिक विषयसँग नजोडिएको बताएको छ ।

प्रधानमन्त्रीको टिप्पणी कुनै राजनीतिक विषयसँग जोडिएको छैन र कसैको भावना र संवेदनालाई चोट पु¥याउने आशय नभएको र अभिव्यक्तिले अयोध्याको महत्व र सांस्कृतिक मूल्यलाई अवमूल्यन गर्ने उद्देश्य नराखेको मन्त्रालयको विज्ञप्तीमा उल्लेख गरिएको छ ।

प्रधानमन्त्रीले श्रीराम र उनीसँग जोडिएका विभिन्न स्थानहरुका बारेमा धेरै किंवदन्ती र भनाइहरु रहेको सन्र्दभमा आएका नयाँ तथ्यहरुका आधारमा रामायणले प्रतिनिधित्व गर्ने गहन सांस्कृतिक भूगोलको थप अध्ययन, अनुसन्धानको महत्व दर्शाउन खोजेको दिन खोजेको स्पष्ट पारिएको छ ।

विज्ञप्तीमा भनिएको छ‘प्रधानमन्त्रीले श्रीराम र उहाँसँग सम्वद्ध स्थानबारे धेरै किंवदन्ती रहेको र नयाँ तथ्यहरु प्राप्त गर्न रामायणले प्रतिनिधित्व गर्ने गहन सांस्कृतिक भूगोलको थप अध्ययन, अनुसन्धानको महत्वमाथि जोड सामान्य जोड दिनुभएको हो ।’

प्रधानमन्त्रीले सोमबार आदिकवि भानुभक्तको जन्मजयन्तिको एक कार्यक्रममा राम नेपालमा जन्मिएका र असली अयोध्याय नेपालमा रहेको भन्ने अभिव्यक्ति दिएका थिए ।

प्रधानमन्त्रीको अभिव्यक्ति तिब्र आलोचनामा परेको छ । तथ्य र प्रमाण बिना बोल्न नहुने टिप्पणीहरु आएका छन् । सत्तारुढ दल नेकपाका वरिष्ठ उपाध्यक्ष वामदेव गौतमले प्रधानमन्त्रीलाई आफ्नो भनाई फिर्ता लिँदै आत्मालोचना गर्न सुझाएका छन् ।