हामी सबैकाे संसारन्यूज

३ साउन, काठमाडौँ । पूर्वप्रधानमन्त्री तथा जनता समाजवादी पार्टीका वरिष्ठ नेता डा बाबुराम भट्टराईले प्रधानमन्त्री केपी शर्मा ओलीलाई प्रधानमन्त्रीबाट हटाउन खुलेरै आह्वान गरेका छन् ।

ह्यासट्याग ‘ओली हटाऔ, देश बचाऔँ’ भन्दै उनले नेकपाका नेताहरुलाई दलमा अलमल भए संसदबाटै भएपनि ओलीलाई हटाउन आह्वान गरेका छन् ।

प्रधानमन्त्री ओलीको बेलगाम अभिव्यक्तिका कारण देश देश गम्भिर संकट तर्फ गैरहेको जनाउँदै उनले निर्वाचित प्रधानमन्त्रीको रुपमा दम्भ नदेखाउन चेतावनीका रुपमा हिट्लरमा पनि चरम राष्ट्रवादको प्रवृत्ति भएको, आखिर त्यसले के भयो भन्दै सचेत गराएका छन् । उनले भनेका छन् ‘ स्मरण रहोस् हिट्लर पनि निर्वाचित थिएसचरम राष्ट्रवाद उनको पनि हतियार थियो।आखिर के भयो ?’

प्रधानमन्त्री ओलीले राम नेपालमा जन्मिएको र अयोध्याय नेपालमै पर्ने अभिव्यक्ति दिएपछि उत्पन्न वातावरण र नेपाल भारत बीचअसहज स्थिति बढ्दै गएको छ ।

उनले भनेका छन् :

प्रम@kpsharmaoli को वेलगाम हर्कतले देश गम्भीर संकटतिर जाँदैछ।कोरोना,अर्थतन्त्र,भ्रष्टाचार,विदेशनीति,जातीय/धार्मिक द्वेष,राज्यका अंग.!स्मरण रहोस् हिट्लर पनि निर्वाचित थिए;चरम राष्ट्रवाद उनको पनि हतियार थियो।आखिर के भयो?नेकपा किन अलमलमा?संसदबाटै संकटमोचन किन हुन्न?#ओलीहटाऔंदेशबचाऔं

— Baburam Bhattarai (@brb1954) July 18, 2020