हामी सबैकाे संसारन्यूज

३ साउन । रेडियो नेपालद्धारा आयोजित खुल्ला आधुनिक गीत प्रतियोगिता(२०७२) मा दोश्रो भएको गीत सार्वजानिक भएको छ ।

गोपालचन्द्र राईको शब्द रचना, विक्रम राईको संगीत र सागर संसार राईको स्वरमा रहेको “रुँदा रुँदै हाँसेको मान्छे” म्यूजिक भिडियो शुक्रबार सार्वजानिक भएको हो ।

कलाकार लक्ष्मी बर्देवा र जीवन भट्टराई लगायतका कलाकारहरुले भिडियोमा अभिनय गरेका छन् ।

उनीहरुद्वारा अभिनित “जेल पनि सहुँला” गीतको म्यूजिक भिडियो लकडाउनकै समयमा करिव डेढ करोड दर्शकले हेरेका छ । उक्त भिडियोमा दुवै जोडी वर्देवा र भट्टराईले अभिनय गरेका छन् ।

गीतकार राई लामो समय पछि आफ्नो गीत सार्वजनिक भएकोमा निक्कै गर्वको महशुस भएको बताएका छन् । उनी भन्छन् “२०७२ सालमा रेडियो नेपालले आयोजना गरेको राष्ट्रव्यापी आधुनिक गीत प्रतियोगितामा मैले सागर संसार राई लाई यो गीत दिएको थिए । त्यो गीत दोश्रो भयो तर रेकर्ड भएन । हामीले ५ वर्ष पछि रेकर्ड गरौं र त्यसको भिडियो पनि बनायौ । संयोग पनि त्यस्तै थियो Lockdown को । जेल पनि सहुँला गीतको डेढ करोड views पछि लक्ष्मी बर्देवा र जीवन भट्टराईले अभिनय गरेको यो गीतको views मात्र बढेको छैन । TikTok मा पनि केही घण्टा मै सयौ छाएकोमा म खुशी छु र सन्तुष्ट पनि छु ।”