हामी सबैकाे संसारन्यूज

३ साउन काठमाण्डौं । नेपालमा आज जम्मा ५७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज बीपी कोइराला स्वास्थ्य विज्ञान प्रतिष्ठानमा गरिएको परीक्षणमा मोरङका २, तेह्रथुमका २, कोशी अस्पताल विराटनगरमा गरिएको परीक्षणमा इलामका १, मोरङका ६ जना, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा झापाका र मोरङका १\१ जना,  प्रादेशिक जनस्वास्थ्य प्रयोगशाला जनकपुरमा गरिएको परीक्षणमा नारायणी अस्पताल वीरगन्जमा गरिएको परीक्षणमा बाराका १ जनामा संक्रमण पुष्टि भएको छ ।

त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा सर्लाहीका २, नुवाकोटका १ जना, प्रादेशिक जनस्वास्थ्य प्रयोगशाला पोखरामा गरिएको परीक्षणमा बाग्लुङ र पर्वतका १/१ जना, प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा गुल्मीका २, पाल्पाका २ जना, सुर्खेत प्रादेशिक अस्पतालमा दैलेखका १ जना, दैलेख प्रयोगशालामा गरिएको परीक्षणमा दैलेखका ४ जना, चौरजहारी नगरपालिकाको प्रयोगशालामा गरिएको परीक्षणमा सल्यानका १ र रुकुमपश्चिमका ३ जनामा संक्रमण पुष्टि भएको छ ।

डडेल्धुरा अस्पतालको प्रयोगशालामा गरिएको परीक्षणमा डडेल्धुरा २, बझाङका २ र डोटीका ७ जना, सेति प्रादेशिक अस्पताल धनगढीमा गरिएको परीक्षणमा कैलालीका १३ जना र कन्चनपुरका १ जना गरी आज जम्मा ५७ जनामा संक्रमण पुष्टि भएको छ । आज थपिएका ५७ जनासँगै नेपालमा कोरोना संक्रमितको कूल संख्या १७ हजार ५०२ पुगेको छ ।

नेपालमा आज १०१ जनामा कोरोना संक्रमण, संक्रमितको संख्या १७,४४५ पुग्यो