Sansar News
५ साउन, धादिङ । पृथ्वी राजमार्ग अन्तर्गत धादिङको मौवाखोला पुल बाढीले बगाएको छ ।
काठमाडौ जाने मुख्य राजमार्ग पृथ्वी राजमार्ग पुल बगाएपछि सडक पूर्ण रुपमा अबरुद्ध बनेको जिल्ला प्रहरी कार्यालय धादिङले जनाएको छ । अप्ठ्यारो ठाउँमा रहेको पुलको आधा भाग नै खोलाले बगाएकाले डाइभर्सनको लागि पनि समस्या भएको प्रहरीले जनाएको छ ।
पुल नै बगेपछि सयौँ गाडी राजमार्गमै रोकिएका छन् । धादिङका कैयौँ ठाउँमा पहिरो जाँदा बिहानैदेखि राजमार्ग बन्द रहेको छ । मौवा खोलाले ३ वटा घर पनि बगाएको प्रहरीले जनाएको छ ।
वि.सं.२०७७ साउन ५ सोमवार १७:३६ मा प्रकाशित
