हामी सबैकाे संसारन्यूज

६ साउन, स्याङजा । बालबिबाह गरेका एक प्रहरी जवानको जागिरै निलम्बनमा परेको छ ।

स्याङजाको आँधिखोला गाउँपालिका १ का २४ वर्षीय नारायण तिवारीले १७ वर्षीया बालिकासँग प्रेमविवाह गरेपछि उनको जागिरै निलम्बनमा परेको छ ।

आँधिखोला ३ की प्लस टु पढ्दै गरेकी बालिकासँग उनले प्रेम विवाह गरेका थिए । विहेको ११ औं दिनमा केटी तर्फका आफन्तले प्रहरीमा उजुरी गरेपछि नारायणले बालविवाह गरेको सार्वजनिक भएको थियो । प्रहरीले बेहुला, बेहुलीसहित दुबैतर्फका आमा बुवालाई नियन्त्रणमा लिई मुद्दा चलाएको छ । अहिले उनीहरु ६ जनानै हिरासतमा रहेको मंगलबारको अन्नपूर्णपोष्ट दैनिकमा समाचार छ ।

असार २१ गते विवाह भएकोमा माइतीतर्फका केशबराज पौडेलले झण्डै सातापछि उजुरी दिएका थिए ।