Sansar News
७ साउन, काठमाडौँ । भारतमा कोरोनाभाइरसबाट दैनिक संक्रमितको संख्या बढ्दै जानेक्रममा एकै दिनमा ३९ हजारभन्दा बढी कोरोना भाइरस संक्रमति थपिएका छन् ।
पछिल्लो २४ घण्टामा भारतमा ३९ हजार १ सय ६८ जना कोरोना भाइरस संक्रमित थपिएका हुन ।
केन्द्रिय स्वास्थ्य तथा परिवार कल्याण मन्त्रालयले एकैदिनमा ६ सय ७१ जनाको कोरोनाका कारण मृत्यु भएको पनि जनाएको छ । त्यसैसँगै भारतमा कोरोनाकै कारण मृत्यु भएकाहरुको संख्या अहिलेसम्म २८ हजार ७ सय ७० पुगेको छ ।
योसँगै भारतमा अहिलेसम्म कोरोनाभाइरसबाट संक्रमित भएकाहरुको संख्या ११ लाख ९४ हजार ८५ पुगेको छ । भारतमा अहिले पनि ४ लाख १२ हजार ९ सय २२ जना संक्रमित अवस्थामै रहेका छन् भने ७ लाख ५२ हजार ३ सय ९३ जना संक्रमणमुक्त भएका छन् ।
विश्वभरमा कोरोना भाइरसबाट संक्रमितहुनेको संख्या १ करोड ५० लाख ९३ हजार ७ सय १२ पुगेको छ भने संक्रमणबाट ६ लाख १९ हजार ४ सय ६७ जनाको मृत्यु भएको छ ।
वि.सं.२०७७ साउन ७ बुधवार ०९:२१ मा प्रकाशित
