हामी सबैकाे संसारन्यूज

१२ साउन, काठमाडौँ । भारतमा कोरोनाभाइरसबाट दैनिक संक्रमितको संख्या बढ्दै जानेक्रममा एकै दिनमा ५० हजारभन्दा बढी कोरोना भाइरस संक्रमति थपिएका छन् ।

पछिल्लो २४ घण्टामा भारतमा ५० हजार ५ सय २५ जना कोरोना भाइरस संक्रमित थपिएका हुन । यससँगै भारतमा कोरोना भाइरसबाट संक्रमित हुनेको संख्या १४ लाख ३६ हजार १९ पुगेको छ ।

पछिल्लो २४ घण्टामा भारतमा कोरोना संक्रमणबाट मृत्यु हुनेको संख्या ७ सय १६ रहेको छ । यससँगै भारतमा कोरोनाकै कारण मृत्यु भएकाहरुको संख्या ३२ हजार ८ सय ८२ पुगेको छ ।

भारतमा अहिले पनि ४ लाख ८२ हजार ४ सय ७२ जना संक्रमित अवस्थामै रहेका छन् भने ९ लाख १८ हजार ७ सय ३५ जना संक्रमणमुक्त भएका छन् ।

विश्वभरमा कोरोना भाइरसबाट संक्रमितहुनेको संख्या १ करोड ६४ लाख १२ हजार ७ सय ९४ पुगेको छ भने संक्रमणबाट ६ लाख ५२ हजार ३९ जनाको मृत्यु भएको छ ।