हामी सबैकाे संसारन्यूज

१२ साउन काठमाण्डौं । नेपालमा आज १३९ जनामा कोरोना संक्रमण पुष्टि भएको छ ।

आज सबैभन्दा बढी दैलेखमा २८ जना, पर्सामा २० जना, सप्तरीमा २१ जना तथा धनुषा र महोत्तरीमा १०\१० जना संक्रमित भेटिएका छन् ।

स्वास्थ्य तथा जनसंख्या मन्त्रालयका अनुसार आज गजेन्द्र नारायण सिंह अस्पताल राजविराजमा गरिएको परीक्षणमा सप्तरीका २१, सिराहाका १ जना, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा धनुषाका १० जना र महोत्तरीका १० जना, नारायणी अस्पताल वीरगन्जमा गरिएको परीक्षणमा पर्साका १८ जनामा संक्रमण पुष्टि भएको छ ।

धुलिखेल अस्पतालमा गरिएको परीक्षणमा काभ्रेका १ जना, पाटन अस्पताल ललितपुरमा गरिएको परीक्षणमा ललितपुरका ३ र पर्साका २ जना, टिचिङ अस्पताल महाराजगन्जमा गएिको परीक्षणमा काठमाण्डौंका १ जना, स्टार अस्पताल सानेपामा गरिएको परीक्षणमा काठमाण्डौंका २ जना, पोखरा स्वास्थ्य विज्ञान प्रतिष्ठानमा गरिएको परीक्षणमा कास्कीका ३ जना, भेरी अस्पताल नेपालगन्जको प्रयोगशालामा गरिएको परिक्षणमा बाँकेका १ जना, प्रादेशिक अस्पताल लुम्बिनीमा गरिएको परीक्षणमा रुपन्देहीका १ जनामा संक्रमकण पुष्टि भएको छ ।

त्यसैगरी सुर्खेत प्रादेशिक अस्पताल सुर्खेतमा गरिएको परीक्षणमा सुर्खेतका १ जना, दैलेख प्रयोगशालमा गरिएको परीक्षणमा दैलेखका २८ जना, चौरजहारी प्रयोगशालामा गरिएको परीक्षणमा सल्यानका २ जना, डडेल्धुरा अस्पतालको प्रयोगशालामा गरिएको परीक्षणमा बैतडीका ४ जना गरी आज जम्मा १३९ जनामा संक्रमण पुष्टि भएको छ ।

आज थपिएका १३९ जनासँगै नेपालमा कोरोना संक्रमितको कूल संख्या १८ हजार ७५२ पुगेको छ । कुल संक्रमितमा हालसम्म १३ हजार ७५४ जना संक्रमण मुक्त भइसकेका छन् । बाँकी संक्रमितको विभिन्न अस्पताल तथा आइसोलेशन सेन्टरमा उपचार भइरहेको पनि मन्त्रालयले जानकारी दिएको छ ।

आज काठमाण्डौंका आठसहित १३० जनामा कोरोना संक्रमण,संक्रमितको संख्या १८,६१३ पुग्यो