Sansar News
१५ साउन, काठमाडौं । काठमाडौं जिल्ला प्रशासन कार्यालयले कोभिड–१९ (कोरोना भाइरस) को जोखिमलाई मध्यनजर गर्दै बार अनुसार सेवा दिने व्यवस्था गरेको छ ।
कार्यालयले बुधबार एक सूचना प्रकाशित गर्दै काठमाण्डौं महानगर र नगपालिकाका सेपाग्राहीहरुलाई भिन्न–भिन्न बार अनुसार सेवा लिनको लागि जानकारी गराएको हो ।
नागरिकता प्रतिलिपी, नावालिग परिचय पत्र, राहदानी, हातहतियार दर्ता निवेदन आदि सेवाहरुका लागि जिल्ला प्रशासन तोकेको बारमा महानगर तथा नगरपालिकाका सेवाग्राही सेवा लिन जान सक्नेछन् ।
जस्तै काठमाण्डौं महानगरका सेवाग्राही आइतबार, मंगलबार र विहीबार सेवा लिन सक्नेछन् ।
कीर्तिपुर, नार्गाजुन, चन्द्रागिरी, नगरपालिकाका सेवाग्राहिले सोमबार, बुढानिलकण्ठ, टोखा, कागेश्वरी मनहरा नगरपालिका सेवाग्राहीले बुधबार र गोर्कणेश्वर दक्षिणकाली, शंखरापुर, तारकेश्वर नगरपालिकाका सेवाग्राहिले शुक्रबारमात्रै जिल्ला प्रशासनबाट सेवा लिन सक्नेछन् ।
त्यस्तै संघसंस्था दर्ताका लागि सोमबार र बुधबार, संघसंस्था नविकरणका लागि आइतबार, मंगलबार, विहीबार, पत्रपत्रिका÷छापाखाना दर्ता, विधान संशोधनका लागि शुक्रबार जानुपर्ने तालिका जारी गरिएको छ ।
वि.सं.२०७७ साउन १५ बिहीवार ११:५७ मा प्रकाशित
