हामी सबैकाे संसारन्यूज

१५ साउन, काठमाडौँ । इंल्याण्ड र आयरल्याण्ड बिचको पहिलो एकदिवसीय खेल आज हुन गईरहेको छ । कोरोना महामारी पछिको यो पहिलो अन्तराष्ट्रिय एकदिवसीय खेल हुनेछ । साउथेम्प्टन मा हुने पहिलो एकदिवसीयमा इंल्याण्डको कप्तानी इयोन मोर्गनले गर्ने छन भने आयरल्याण्डको कप्तानी एन्ड्र्यू बलबर्नीले गर्ने छन ।

यस एकदिवसीय श्रृखलामा इंल्याण्ड जो रुट, जस बटलर, जोफ्रा आर्चर, बेन स्टोक्स जस्ता दिग्गज खेलाडीहरु बिना मैदानमा उक्रदैँ छ ।

इंल्याण्डले आफ्नो पछिल्लो ५ एकदिवसीय खेल मध्य ४ खेलमा जित र १ खेलमा हारको सामना गरेको छ भने आयरल्याण्डले खेलेको पछिल्लो ५ एकदिवसीय मध्य २ खेलमा जित र ३ खेलमा हारको सामना गरेको छ ।

खेल नेपाली समय अनुसार आज बेलुका ६:४५ बाट सुरु हुने छ ।

इंल्याण्डको सम्भावित प्लेइंग इलेवन:

इयोन मोर्गन, मोइन अली, जोनी बेयरस्टो, टम बैन्टन, साम बिलिंग्स, टम करन, आदिल रशीद, जेसन रॉय, रीस टोपली, जेम्स भिन्स, डेभिड विली।

आयरल्याण्डको सम्भावित प्लेइंग इलेवन:

पल स्टर्लिंग, ग्यारेथ डेलानी, एन्डी बलबर्नी, विलियम पोर्टरफिल्ड, केभिन ओ ब्रायन, लोर्कान टकर, सिमी सिंह, कर्टिस क्याम्पर, एंडी म्याकब्राइन, ब्यारी म्याकार्थी, बॉयड र्याकिन ।