Sansar News
१५ साउन, काठमाडौं । वीरगञ्ज महानगरपालिकाका प्रमुख विजय सरावगीलाई कोरोना संक्रमण भएको छ ।
स्वास्थ्य परीक्षणका लागि काठमाडौं आएको र स्वाब परीक्षण गर्दा कोरोना पोजेटिभ आएको उनले जानकारी दिएका छन् । आफू अहिले उपचारार्थ रहेको र स्वास्थ्य अवस्था सामान्य रहेको जानकारी दिँदै उनले छिट्टै नै कोरोनालाई जित्ने विश्वास व्यक्त गरेका छन् ।
कोरोना संक्रमणबाट आक्रान्त बनेको वीरगंजलाई वचाउन अग्रमोर्चामा रहने स्वास्थ्कर्मी, महानगरपालिकाका जनप्रतिनिधी, कर्मचारी, नागरिक समाज, संचारकर्मी, विभिन्न राजनीतिक दल, स्थानीय प्रशासन र सुरक्षाकर्मीको प्रयासलाई धन्यवाद दिँदै उनले यो लडाईलाई स्थानीय तहको प्रयासले मात्र नजित्ने हुँदा संघीय सरकार तथा प्रदेश सरकारले ठोस योजना बढाउनु पर्ने बताएका छन् ।
चितवन महानगरपालिकाकी मेयर रेणु दाहालले मेयर सरागवीको शिघ्र स्वास्थ्यलाभको कामना गरेकी छन् । उनले संक्रमित अन्य विरगंज महानगरबासी जनताको पनि शिघ्र स्वास्थ्य लाभको कामना गर्दै छिट्टै महानगरले कोरोनाको लडाईमा बिजय हासिल गरोस भन्ने कामना गरेकी छन् ।
वि.सं.२०७७ साउन १५ बिहीवार २२:०२ मा प्रकाशित
