Sansar News
१८ साउन, काठमाडौंँ । नेपालमा आज कोरोना संक्रमणबाट एक महिलाको मृत्यु भएको पुष्टि भएको छ ।
स्वास्थ्य तथा जनसंख्या मन्त्रालयका अनुसार आज मृत्यु भएको पुष्टि हुनेमा पर्सा जिल्लाको विरगन्ज महानगरपालिका १६ मा बस्ने ६८ वर्षीया महिला रहेकी छन् ।
उनको शनिबार (साउन १७ गते) मृत्यु भएको हो । ज्वरो, खोकी तथा श्वास प्रश्वास समस्या भएर साउन १४ गते नारायणी वयोधा अस्पताल वीरगन्जको आइसीयुमा भर्ना भएकी उनको स्वास्थ्य अवस्था जटिल बन्दै गएपछि साउन १७ गते नारायणी कोभिड अस्पताल रिफर गरिएकोमा अस्पताल नपुग्दै बाटोमै उनको मृत्यु भएको मन्त्रालयले जानकारी दिएको छ ।
उनी मधुमेह र उच्च रक्तचापको विरामी रहेको पनि बताइएको छ । उनीसँगै नेपालमा कोरोना संक्रमणबाट मृत्यु हुनेको संख्या ५७ पुगेको छ ।
कोरोना संक्रमणबाट नेपालमा आज पनि ४ जनाको मृत्यु भएको पुष्टि, मृतकको संख्या ५६ पुग्यो
वि.सं.२०७७ साउन १८ आइतवार १७:१५ मा प्रकाशित
