Sansar News
काठमाडौं । काठमाडौं उपत्यकामा मात्रै कोरोना संक्रमितको संख्या ६ सय ८५ पुगेको छ । स्वास्थ्य तथा जनसंख्या मन्त्रालयले नियमित पत्रकार सम्मेलनमार्फत जानकारी दिएअनुसार सोमबार मात्रै उपत्यकामा ५१ संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएअनुसार पछिल्लो २४ घण्टामा मात्रै उपत्यकाका तीन जिल्ला काठमाडौं ४३ जना, ललितपुर ३ जना र भक्तपुर ५ जना संक्रमित थपिएका हुन् । यससँगै उपत्यकाका जिल्लाहरुमा काठमाडौंमा ४९३, ललितपुरमा १०८ र भक्तपुरमा ६४ जना कोरोना संक्रमित पुगेका छन् ।
लकडाउन खुलेसँगै उपत्यकामा झण्डै ५ सय गुणाले संक्रमित बढेका छन् । पछिल्लो समय सामुहिक रुपमा प्रहरी प्रधान कार्यालयमा मात्रै ७२ जना कोरोना संक्रमित देखिएका थिए । उपत्यकामा खटिएका अन्य १४ प्रहरीमा पनि कोरोना संक्रमण देखिएको थियो ।
वि.सं.२०७७ साउन १९ सोमवार १७:०१ मा प्रकाशित
