हामी सबैकाे संसारन्यूज

२० साउन, काठमाण्डौं । अख्तियार दुरुपयोग अनुसन्धान आयोगका १५ कर्मचारीमा कोरोना संक्रमण देखिएको बताइएको छ ।

अख्तियारमा १८२ कर्मचारीमा आइतबार गरिएको श्वाव परीक्षण रिर्पोटमा अख्तियार आयुक्तका अगुवा पछुवासहित प्रहरी र निजामति गरी १५ जना कर्मचारीमा कोरोना संक्रमण पुष्टि भएको श्रोतले जनाएको छ ।

अख्तियारकै काममा खोटाङ पुगेर फर्किएका एक प्रहरी अधिकारीमा कोरोना संक्रमण देखिएपछि उनको सम्पर्कमा रहेकाहरुको नमुना संकलन गरेर गरिएको परीक्षणमा संक्रमण पुष्टि भएको बताइएको छ ।

यस विषयमा अख्तियारका सहप्रवक्ता गणेश बहादुर अधिकारीले आज विदा भएको र आफूले पनि समाचार हेरेर संक्रमण भएको बारे थाहा पाएको संसारन्युजलाई जानकारी दिए ।