Sansar News
२१ साउन, काठमाडौं । विश्वनै कोरोनाको महामारीले आक्रान्त बनेका बेला त्यसको रोकथामका लागि संसारका देशले विभिन्न उपाय अवलम्बन गरिरहेका छन् ।
त्यस्तै एउटा नौलो उपाय फुटवल खेलको क्षेत्रमा सुरु गर्न लागिएको छ । फुटवल मैदानभित्र खेलाडीले बारम्बार खोकेको पाइएमा खेलमा गल्ती गरेको नभई खोकेकै कारण रातो कार्ड पाउने भएका छन् ।
समाचार एजेन्सीका अनुसार खेल मैदानमा बारम्बार खोक्ने खेलाडीलाई रेफ्रीले कुनैपनि बेला रातो कार्ड देखाएर मैदान बाहिर पठाउन सक्नेछन् ।
फुटवल संघ (एफए) ले फुटवल खेलाडीमाथि छिट्टै यस्तो नियम लागू गर्न लागेको बताइएको छ ।
दी इन्टरनेशनल फुटवल एसोसिएसनका अनुसार यदि कुनै पनि खेलाडीले खेल मैदानमा खेलाडी, रेफ्रि र खेल संचालकका अगाडि खोकेमा रातो कार्डको सजाय पाउन सक्ने छन् ।
त्यस्तै खेलाडीले कस्तो अवस्थामा खोकेको हो भन्ने मूल्याकंन गर्ने अधिकार रेफ्रिलाई दिइनेछ । यदि खेलाडीले सामान्य अवस्थामा खोकेको छ र त्यसले अन्य कसैलाई पनि दुव्र्यवहार गर्ने उद्धेश्य नभएको अवस्थामा ती खेलाडीमाथि रातो कार्डको नियम लागू हुने छैन ।
साथै कुनै पनि खेलाडीले भौतिक दूरी कायम गरेर खोकेमा यस्तो सजायको भागिदारी बन्नु नपर्ने पनि आएएफबीले जनाएको छ ।
वि.सं.२०७७ साउन २१ बुधवार १०:३१ मा प्रकाशित
