हामी सबैकाे संसारन्यूज

२१ साउन, काठमाडौँ । इंल्याण्ड र आयरल्याण्ड बिचको तेस्रो तथा अन्तिम एकदिवसीय खेलमा आयरल्याण्डले इंल्याण्डलाई ७ विकेटले पराजित गर्दै ऐतिहासिक जित निकालेको छ ।

मंगलबार बेलुका साउथेम्प्टनमा भएको खेलमा टस हारेर पहिले ब्याटिङ्ग गरेको इंल्याण्डले ४९.५ ओभरमा १० विकेट गुमाएर ३२८ रन बनाएको थियो । इंल्याण्डका कप्तान एयोन र्मोगनले सतक बनाएका थिए । उनी ८४ बल खेल्दैँ १०६ रन बनाएर आउट भएका थिए । आयरल्याण्डका लागि बलिङ्ग तर्फ क्रेग योङ्गले सर्वाधिक ३ विकेट लिए ।

इंल्याण्डले दिएको ३२९ रनको लक्ष्य आयरल्याण्डले ४९.५ ओभरमा ३ विकेट गुमाएर पुरा गर्यो । आयरल्याण्डका लागि पल स्टर्लिंग र कप्तान एन्ड्र्यू बलबर्नी सतक बनाउन सफल भए । पल स्टर्लिंग १४२ रन बनाएर आउट भएका थिए भने कप्तान एन्ड्र्यू बलबर्नी ११३ रन बनाएर आउट भएका थिए । एकदिवसीय क्रिकेटमा इंल्याण्ड विरुद्ध इंल्याण्डमै कुनै पनि टिमले गरेको यो सबै भन्दा ठुलो सफल रन चेस हो ।

आयरल्याण्डले तेस्रो एकदिवसीयमा जित हासिल गरेता पनि श्रृखला भने इंल्याण्डले २-१ ले जितेको छ ।