Sansar News
२१ साउन, काठमाडौँ । चर्चित बैंकर मनोज ज्ञवालीले नबिल बैंकको नायब महाप्रबन्धक सम्हाल्ने भएका छन् ।
ज्योति विकास बैंकको सिइओबाट केही महिना अगाडि विश्राम लिएका ज्ञवालीले अब नबिल बैंकबाट थप सक्रियता देखाउने भएका छन् ।
नेपालको वित्तिय क्षेत्रको सुशासन, मौद्रिक प्रणाली र संरचनागत रुपान्तरणको पक्षमा कलम चलाउँदै आएका ज्ञवाली नेपालको बैंकिङ क्षेत्रमा पहिचान बनाएका बैंकर हुन् ।
पेशाले चाटर्ड एकाउन्टेन्ट रहेका उनीसँग नेपाल राष्ट्र बैंकको सहायक निर्देशक, ग्लोबल आर्ईएमई क्वापिटलको प्रबन्ध निर्देशक, ग्लोबल आईएमई बैंकको प्रमुख वित्त अधिकृत, जलविद्युत लगानी तथा विकास कम्पनीको निर्देशक तथा ज्योति विकास बैंकको सिइओ सम्हालेको अनुभव छ । यसबाहेक उनी काठमाडौँ विश्वविद्यालय, ब्रिटिश कलेज, नेपाल कलेज अफ म्यानेजमेन्ट लगायतमा फ्याकल्टी अनुभव रहेको छ ।
नेपालको वित्तिय क्षेत्रमा क्रान्तिकारी परिवर्तनको आधारका लागि खोज अन्वेषण गरिरहने ज्ञवाली सञ्जालमा समेत लोकप्रिय छन् ।
वि.सं.२०७७ साउन २१ बुधवार १२:३१ मा प्रकाशित
