हामी सबैकाे संसारन्यूज

२३ साउन, लन्डन । ११ नेपाली विभिन्न अभियोगमा बेलायतको जेलमा छन् । लन्डनस्थित नेपाली दुताबासका अनुसार उनीहरुमध्ये धेरैलाई यहाँको इमिगे्रसन कानुन उल्लघंन गरेको मुद्धा लागेको छ ।

बेलायत सरकारले दुताबासलाई उपलब्ध गराएको तथ्यांकले आठ नेपाली अहिले इमिग्रेसन मुद्धामा बेलायती जेलमा रहेको देखाएको छ ।

उनीहरुमध्ये केहीलाई इमिग्रेसन कानुन मिचेको आरोपमा डिटेन्सन सेन्टरमा राखिएको हो । केहीलाई भने इमिग्रेसनसँग सम्बन्धित भएपनि नक्कली कागजपत्र, नक्कली बिहेजस्ता गम्भीर अपराधको मुद्धा छ ।

बेलायतका जेलमा रहने तीन नेपालीलाई सिरियस क्राइमको अभियोग छ । जसमध्ये एक जनालाई हत्याको आरोप लागेको छ । झन्डै ४० वर्षका उमेरका ती पुरुष हत्या मुद्धामा एक वर्षदेखि जेलमा रहेको दुतावासले बताएको शुक्रबारको अन्नपूर्णपोष्ट दैनिकमा समाचार छ ।

त्यस्तै, अर्का एक नेपाली पुरुष पनि मानव तस्करीमा संग्लन रहेको अभियोगमा जेलजीवन बिताइरहेका छन् । दुतावासका प्रवक्ता शरदराज आरनका अनुसार एक वर्षअघि बेलायतका जेलमा रहने नेपालीको संख्या २१ थियो ।