हामी सबैकाे संसारन्यूज

२५ साउन, काठमाडौँ । कोरोना भाइरस अर्थात कोभिड–१९ संकट व्यवस्थापन केन्द्र ‘सीसीएमसी’ को बैठक आज बस्दै छ ।
शनिबार बस्ने भनिएको यो बैठक अन्तिम समयमा आएर रोकिएपछि आजको लागि सारिएको थियो ।

आजको बैठकले कोरोना संक्रमणको अवस्थाका बारेमा विश्लेषण गर्ने र सोही बिश्लेषणका आधारमा सरकारले लकडाउन गर्ने या नगर्ने बिषयमा कदम चाल्नेछ ।

सरकारले कुनै प्रकारको लकडाउन जारी नगरेपनि केही स्थानीय निकायहरुमा स्थानीय प्रशासनले कडाइ गरेको छ । आजदेखि काठमाडौँ उपत्यका जिल्ला प्रशासन कार्यालयले अत्यावश्यकबाहेकका अन्य सेवा बन्द गरेका छन् ।

सरकारले २ सय भन्दा बढी सक्रिय संक्रमित भएका जिल्लामा जोरबिजोर प्रणाली लागू गरेरर सवारी चलाउन निर्देशन दिएको छ ।

नेपालमा हालसम्म २२ हजार ५ सय ९२ संक्रमित फेला परेका छन् । जसमा १६ हजार ३ सय १३ जना निको भइसकेका छन् । ७४ संक्रमितको मृत्यु भइसकेको छ भने ६ हजार २०६ जनाको उपचार जारी छ ।