हामी सबैकाे संसारन्यूज

२५ साउन, काठमाडौँ । सत्तारूढ नेपाल कम्युनिष्ट पार्टी(नेकपा)का महासचिव विष्णु पौडेलका सुरक्षा गार्ड (पीएसओ) लाई कोरोना संक्रमण पुष्टि भएको छ।

कोरोना परीक्षणका लागि पौडेल, उनका ड्राइभर र पीएसओको गत शुक्रबार स्वाब संकलन गरिएको थियो।

पौडेल र ड्राइभरको रिपोर्ट भने नेगेटिभ आएको पौडेलनिकट स्रोतले जानकारी दिएको छ। सुरक्षा गार्डमा कोरोना संक्रमण पुष्टि भएपछि आइतबारदेखि नै महासचिव पौडेल आइसोलेसनमा बसेका छन्।

सरकारले लकडाउन खुल्ला गरेसँगै देशैभर कोरोना भाइरसको महामारी बढ्दै गएको छ । आज मात्र पनि काठमाण्डौंका ९० जनासहित ३८० जनामा कोरोना संक्रमण पुष्टि भएको छ ।