हामी सबैकाे संसारन्यूज

काठमाडौं । नेपाल बार एशोसिएशनले प्रधान्यायाधीश चोलेन्द्र शमशेर जवराको भूमिका सन्तोषजनक नरहेको ठहर गरेको छ । बार एशोसिएशनले सोमबार पत्रकार सम्मेलन गर्दै न्यायाधीशबाट न्याय सम्पादनमा सहि भूमिका नभएको बताएको हो ।

बारका अध्यक्ष चण्डेश्वर श्रेष्ठले राणाको कार्यकालमा न्यायलयमा झनै विकृति मौलाएको बताए । पद बहाली हुँदाको अवस्थामा प्रधानन्यायाधीशबाट गरेको अपेक्षा पुरा नभएको उनको भनाई छ ।

‘न्यायपालिका भित्र न्याय सम्पादन सन्तोषजनक छैन। अहिलेका वर्तमान प्रधान न्यायाधीशले आफ्नो बहाली हुँदाको अवस्थामा २०७५ मंसिर, पुस, माघतिरको पत्रपत्रिका, अनलाइन हेर्यौँ, भने हाम्रो न्यायपालिका भित्रको विसंगति विकृति हटाउन न्यायिक नेतृत्व प्रधानन्यायाधीशले यसमा नेतृत्व प्रदान गर्दछ भन्नेल कुरा हामीले पाएका थियौं’ उनले भने, ‘अहिले व्यवहारमा हेर्दा सुधारका झिना मसिना कुरा भए तर जनताले चाहेको खास कुरा अझै पनि समाधान हुन सकेको छैन।’

बारले प्रधानन्यायाधीश राणा समक्ष १७ बुँदे ध्यानाकर्षण पत्र पनि राखेको छ । बारले न्याय क्षेत्रको विसंगति, विकृति, भ्रष्टाचार लगायतका विषयलाई उठाउँदै त्यसको नियन्त्रणका लागि विशेष संयन्त्र गठन गर्न पनि माग गरेको छ । एकै प्रकृतिका मुद्दामा फरक–फरक फैसला भएको भन्दै बारले अध्ययन गरी एकरुपता कायम गर्न पनि माग गरेको छ ।

यस्ता छन् बारले राखेको १७ बुँदे ध्यानाकर्षण पत्र