Sansar News
२८ साउन, काठमाडौं । त्रिभुवन विश्वविद्यालय शिक्षण अस्पताल, महाराजगञ्जको इमर्जेन्सी सेवा बन्द भएको छ ।
अस्पतालको इमर्जेन्सीमा कार्यरत कोरोना भाइरस (कोभिड–१९) को संक्रमण पुष्टि भएपछि भोलि बिहीबारबाट अस्पतालको आकस्मिक सेवा बन्द गर्ने निर्णय अस्पताल प्रशासनले गरेको छ ।
अस्पतालका कोभिड कोअर्डिनेटर डा. सन्तकुमार दासले दुई डाक्टर र चार नर्समा संक्रमण पुष्टि भएको जानकारी दिएका छन् । डा. दासका अनुसार उनीहरुलाई अस्पतालकै आइसोलेसनमा राखिएको छ ।
चिकित्सकबाट अरुलाई पनि संक्रमण सरेको हुनसक्ने भएकाले भोलि बिहीबारबाट अस्पतालको आकस्मिक सेवा बन्द गर्ने निर्णय भएको पनि डा. दासले बताए।
ओपीडी सेवा भने सञ्चालन नै रहने बताइएको छ ।
वि.सं.२०७७ साउन २८ बुधवार २१:४७ मा प्रकाशित
