काठमाडौं । भारतीय प्रधानमन्त्री नरेन्द्र मोदीसँगै भूमि पुजा गरेका महन्त गोपाल दासलाई कोरोना संक्रमण देखिएको छ । भारतीय अनलाईन जागरणले जनाएअनुसार अचानक स्वास्थ्य समस्या आएसँगै उपचारका लागि अस्पताल लगिएका गोपाल दासमा कोरोना संक्रमण देखिएको हो ।
कोरोना देखिएसँगै अहिले उनलाई हरियाणाको गुरुग्राम मेदान्त अस्पतालमा उपचारका लागि सारिएको छ । जागरणले जनाएअनुसार महन्त गोपाल दासमा रुघा–खोकीसँगै श्वासप्रश्वाससम्बन्धी समस्या देखिएको छ । उनमा ज्वरोको समस्या पनि आएको जागरणले उल्लेख गरेकाे छ ।
महन्त बुधबार राती भगवान श्रीकृष्णको जन्मस्थानमा आयोजित कृष्ण जन्मोत्सवमा सहभागी भएका थिए ।
.@ShriRamTeerth के अध्यक्ष पूज्य महंत श्री नृत्य गोपाल दास जी महाराज के कोरोना संक्रमित होने की सूचना प्राप्त हुई।
उन्हें त्वरित चिकित्सकीय सुविधा उपलब्ध कराने हेतु मेदांता अस्पताल के डॉ. नरेश त्रेहन से वार्ता की है।
प्रभु श्री राम से उनके शीघ्र स्वास्थ्य लाभ हेतु प्रार्थना है।
— Yogi Adityanath (@myogiadityanath) August 13, 2020
गत पाँच अगस्टमा रामको जन्मभूमि अयोध्यामा मन्दिर निर्माणको लागि आयोजित भूमि पुजा समारोहमा प्रधानमन्त्री नरेन्द्र मोदी र गोपालदासले सँगै पुजा गरेका थिए । उक्त समय प्रधानमन्त्री मोदीसँगै, हिन्दु संघका प्रमुख मोहन भागवत, राज्यपाल आनन्दीबेन पटेल, मुख्यमन्त्री योगी आदित्यनाथसमेत कयौं अतिथिहरु सहभागी थिए ।
महन्तसँगै पटक–पटकका पुजामा सहभागी मुख्यमन्त्री आदित्यनाथले महन्थमा कोरोना संक्रमण देखिएसँगै सामाजिक सञ्जाल ट्विटरमार्फत सिघ्र स्वास्थ्य लाभको काम गरेका छन् । उनले उपचारमा सहभागी चिकित्सकसँग निरन्तर संवादमा रहेको पनि बताएका छन् ।
वि.सं.२०७७ साउन २९ बिहीवार १४:२१ मा प्रकाशित
