Sansar News
२ भदौ, काठमाडौं । काठमाडौं उपत्यकाका तीन जिल्लामा एक साता निषेधाज्ञा लगाइने भएको छ ।
काठमाडौं, भक्तपुर र ललितपुर जिल्लाका प्रमुख जिल्ला अधिकारीको संयुक्त बैठकले बुधबार, भदौ ३ गते राति १२ बजेदेखि एक हप्तासम्म निषेधाज्ञा जारी गर्ने निर्णय गरेको हो।
अत्यावश्यक सेवाका बाहेक कुनै पनि सरकारी, नीजि तथा गैरसरकारी कार्यालय तथा सवारी संचालन गर्न पाइने छैन । सर्वसाधारणको आवतजावतलाई पनि निषेध गरिनेछ ।
कोरोना जोखिम बढेसँगै मन्त्रिपरिषदको सोमबारको बैठकले निषेधाज्ञा लगायतका आवश्यक कामकाजको अधिकार स्थानीय प्रशासनलाई दिएको थियो।
नेपालमा आज अहिलेसम्मकै सबैभन्दा धेरैमा कोरोना संक्रमण पुष्टि भएको छ । काठमाण्डौं उपत्यकाका २०५ जनासहित १ हजार १६ जनामा कोरोना संक्रमण पुष्टि भएको छ ।
वि.सं.२०७७ भदौ २ मंगलवार २०:१० मा प्रकाशित
