Sansar News
४ भाद्र, काठमाडौँ । वरिष्ठ चलचित्र निर्देशक केपी पाठकलाई मातृशोक परेको छ ।
चलचित्र निर्देशक समाजका पूर्वअध्यक्ष, चलचित्र तथा साँस्कृतिक प्रतिष्ठानका अध्यक्ष, नेपाल अन्तर्राष्ट्रिय फिल्म फेस्टिबलका अध्यक्ष, चलचित्र विकास बोर्डका पूर्व प्रवक्ता तथा प्रसिद्ध चलचित्र ‘मैना’का निर्माता पाठककी आमा कृष्णकुमारी पाठकको ७४ वर्षको उमेरमा निधन भएको हो ।
विभिन्न संघसंस्था तथा व्यक्तिहरुले पाठककी आमाको निधनमा श्रद्धाञ्जलीसहित गहिरो समवेदना व्यक्त गरेका छन् ।
ऐक्यबद्धता प्रकाशनका अनन्य मित्र केपी पाठकमा परेको यो दुखद् घडीमा निधन हुनुभएकी आमाप्रति हार्दिक श्रद्धाञ्जली तथा शोकसन्तप्त परिवारमा गहिरो समवेदना व्यक्त गर्दछौँ ।
वि.सं.२०७७ भदौ ४ बिहीवार १९:३८ मा प्रकाशित
