हामी सबैकाे संसारन्यूज

५ भदौँ, काठमाडौ । सन्दिप लामिछाने आवद्ध टिम जमैका तलैवाज आफ्नो क्यारेबियन प्रिमियर लिग (सिपिएल) को दोस्रो खेलमा ट्रिनबागो नाइट राइडर्ससँग ७ विकेटले पराजित भएको छ ।

टस हारेर पहिले ब्याटिङ्ग गरेको जमैकाले २० ओभरमा ८ विकेट गुमाउदैँ १३५ रन मात्र बनाउन सक्यो । जमैकाका लागि ग्लेन फिलिप्सले सर्वाधक ५८ रन बनाएका थिए । ट्रिनबागो नाइट राइडर्सका लागि अलि खानले सर्वाधिक २ विकेट हात पारे ।

जमैकाले दिएको १३६ रनको लक्ष्य ट्रिनबागो नाइट राइडर्सले १८.१ ओभरमा ३ विकेट गुमाएर पुरा गर्यो । ट्रिनबागो नाइट राइडर्सका लागि सुनिल नारायणले सर्वाधिक ५३ रन बनाएका थिए । जमैकाका लागि बलिङ्गमा सन्दिप, मुजिब र एडवाडले १-१ विकेट लिन सफल भए ।

टिम पराजित भएता दोस्रो खेलमा पनि सन्दिपको प्रदशर्न भने राम्रो रहेको थियो । उनले ३८ बल खेल्दैँ ५३ रन बनाएका सुनिल नारायणको विकेट निकालेका थिए । सन्दिपले आफ्नो ४ ओभरमा ३० रन दिदैँ १ विकेट निकाल्न सफल भएका थिए । उनको बलिङ्गको चौथो ओभरमा कार्लोस ब्राथवटले क्याच पनि छुटाएका थिए ।

त्यसैगरी हिजो बेलुका भएको खेलमा सेन्ट लुसिया जुउक्सलें बार्बडोस ट्राईडेन्सलाई ७ विकेटले पराजित गरेको छ ।