हामी सबैकाे संसारन्यूज

९ भदौ, काठमाडौं । हाल देशैभर सामान्य बदली रहि बाग्मती प्रदेश, गण्डकी प्रदेश र कर्णाली प्रदेशका थोरै स्थानहरुमा हल्का देखि मध्यम वर्षा भइरहेको छ ।

जल तथा मौसम पूर्वानुमान महाशाखाका अनुसार आज प्रदेश १, प्रदेश २, बागमती प्रदेश, गण्डकी प्रदेश र कर्णाली प्रदेशका एक÷दुई स्थानहरुमा भारी वर्षाको सम्भावना रहेको छ ।

त्यसैगरी नेपाल बाढी सूचनाका अनुसार आज दोलखा, रामेछाप, काभ्रेपलान्चोक, काठमाडौं उपत्यका, रसुवा, नुवाकोट, धादिङ, प्युठान, बाग्लुङ,रोल्पा,रुकुम, दाङ, सुर्खेत, सल्यान, कालिकोट, डोटी, अछाम दार्चुला, बझाङ बाजुरा र बैतडीका नदीहरुमा पानीको बहाव उच्च हुने छ ।
त्यसैगरी आगामी ३ दिन देशैभरीका प्रमुख तथा मझौला नदीहरु कोशी, नारायणी, कर्णाली, महाकाली कन्काई, कमला, बागमती, पश्चिम राप्ति, बबई र यसका आसपासका सहायक नदीमा सामान्य घटबढ हुने र सतर्कता भन्दा तलै हुने पूर्वानुमान रहेकाले तटिय क्षेत्रका क्रियाकलापमा सामान्य शतर्कता अपनाउन पनि बाढी सूचनाले अनुरोध गरेको छ ।