हामी सबैकाे संसारन्यूज

९ भाद्र, काठमाडौँ। काठमाडौं उपत्यकाका तीन वटै जिल्लामा जारी निषेधाज्ञालाई भाद्र १७ गते राति १२ बजेसम्म लम्ब्याउन सिफारिस गरिएको छ ।

जिल्ला कोभिड–१९ संकट व्यवस्थापन केन्द्र (डीसीसीएमसी) ले जारी निषेधाज्ञालाई भदौ १७ गते राति १२ बजेसम्म लम्ब्याउन सिफारिस गरेको हो ।

मंगलबार बसेको काठमाडौं, ललितपुर र भक्तपुरका प्रमुख जिल्ला अधिकारीहरुको बैठकले जारी निषेधाज्ञालाई थप एक साता लम्ब्याउन सिफारिस गरेको हो ।

उक्त सिफारिसलाई तीनै जिल्लाका सुरक्षा समितिले अनुमोदन गरिसकेको र गृह मन्त्रालय र प्रधानमन्त्री कार्यालयबाट आवश्यक राय सुझाव लिएर प्रशासन कार्यालयहरुले निर्णय गर्ने तयारी गरेको बताइएको छ ।

काठमाडौं उपत्यकाका तीनै जिल्लामा यही भदौ ३ गतेदेखि जारी निषेधाज्ञा भोलि राति १२ बजेदेखि सकिदैछ ।

यसअघि सोमबार बसेको उपत्यका नगरपालिका फोरमको बैठकले पनि संक्रमण बढेको निष्कर्ष निकाल्दै १५ भदौसम्म निषेधाज्ञा लम्ब्याउन प्रशासनलाई सिफारिस गर्ने निर्णय गरेको थियो ।